პორტალი ადამიანის უფლებების შესახებ

თუ სადმე ყური მოჰკარით, რომ ფსიქიატრიულ საავადმყოფოში მედდამ ქოში გაიხადა და პაციენტს თავში ურტყა, ნუ დაარქმევთ ამ ამბავს ჭორს. ეს ნამდვილი ამბავია, რომლის მსგავსი ფაქტებიც დღეს, 21-ე საუკუნეში ხდება საქართველოში.

გურჯაანის მუნიციპალიტეტის გამგეობაში ფულის კეთების მეტად მოხერხებული სქემაა შემუშავებული – ხან ვითომ ტრენინგზე ჩამოსული სტუმრებისათვის გამოყოფენ თანხას და შემდეგ ამ ფულით გამგეობის თანამშრომლები კაფე-საღამოებს აწყობენ, ხან სხვა "სახელმწიფოებრივი" მიზნებისათვის იწერება თანხის გამოყოფის ბრძანება და შემდეგ ეს თანხაც უკვალოდ იკარგება.

გორის რაიონში სახელმწიფო ბიუჯეტის თანხების გაფლანგვის ფაქტზე შიდა ქართლის პროკურატურა უკვე წელიწადზე მეტია გამოძიებას ატარებს. „ადამიანის უფლებათა ცენტრის“ ჟურნალისტური მოკვლევის შედეგად, 2004-2006 წლებში, გორის მაღალჩინოსნების მხრიდან სახელმწიფო ბიუჯეტის თანხების გაფლანგვის ფაქტები რეალურად დასტურდება

კიდევ ერთ-ერთი ცნობილი სახე, მეცნიერი, პარლამენტის ყოფილი წევრი, პოლიტიკოსი და გურამ შარაძის მეგობარი ელიზბარ ჯაველიძე "ადამიანის უფლებათა ცენტრთან" საუბრისას აცხადებს, რომ მკვლელობა არა ერთი, არამედ ორი იარაღითაა ჩადენილი. მას გამოძიებასთან რამდენიმე კითხვა აქვს და პასუხს ელის. თუმცა, ობიექტური გამოძიების იმედი, სხვა რესპონდენტების მსგავსად, არც მას აქვს.

შარაძეების ოჯახს გამოძიებასთან უამრავი კითხვა აქვს. თუმცა. დღევანდელ საგამოძიებო სისტემას, უნდობლობის გამო, კითხვებით არ მიმართავენ. შარაძის საქმეში საინტერესოა ე.წ. მესიჯების ისტორია, რომელიც ჯერ კიდევ 2002 წელს დაიწყო. კერძოდ, 2002 წლის ზაფხულში მაგთის 10 000 აბონენტმა მიიღო სატელეფონო შეტყობინება ტექსტით: „სიკვდილი ფაშისტ გურამ შარაძეს, გაუმარჯოს თავისუფლების ინსტიტუტს“.

20 ივლისს ცნობილი პოლიტიკოსის, აკადემიკოსის, მწერლისა და საზოგადო მოღვაწის, გურამ შარაძის მკვლელობიდან 2 თვე სრულდება. თუმცა, მისი ოჯახის წევრები დღემდე არავის დაუკითხავს. მისი ადვოკატი კი იგნორირებულია და გამოძიების პროცესში ვერ მონაწილეობს. ოჯახი სამართალდამცველებთან არ თანამშრომლობს და ობიექტური გამოძიების იმედი არა აქვს.