პორტალი ადამიანის უფლებების შესახებ

29 მაისს სამართალდამცველებმა პარლამენტთან, მოძრაობა „7 ნოემბრის“, „სამოქალაქო ფრონტისა“ და „მარო მაყაშვილის ქალთა ორგანიზაციის“ აქტივისტები დააკავეს. პარლამენტთან აღნიშნული ორგანიზაციების აქტივისტები აქციას მართავდნენ, რა დროსაც აპროტესტებდნენ 26 მაისს, გელათთან, პოლიციის მიერ მათი მეგობრების დაკავებას.

„ელიტ-ელექტრონიქსის“ დამფუძნებლის, ანზორ ქოქოლაძის წინააღმდეგ აღძრულმა სისხლის სამართლის საქმემ და მასთან დაკავშირებულმა გარემოებებმა არაერთხელ მიიქცია მედიის ყურადღება. ამჟამად ანზორ ქოქოლაძე სასჯელს იხდის და თანაც მის წინააღმდეგ კიდევ ერთი საქმეა აღძრული, რაც იმას ნიშნავს, რომ მას შესაძლოა, კიდევ დაუმატონ ციხეში გასატარებელი წლები.

20 მაისს, დილით, თიანეთში წავედი რეპორტაჟის მოსამზადებლად. გუშინ ტელეფონით დამიკავშირდნენ და მითხრეს, რომ „ქართული ოცნების“ მხარდამჭერებს კოალიციის ლიდერებთან შეხვედრის შემდეგ სოციალური დახმარებები შეუწყვიტეს. ამასთან, მამა-შვილი შუშანაშვილები მეოთხე დღეა პოლიციას დაკითხვაზე დაჰყავდა და მათზე ზეწოლას ახდენდნენ.

ტელეკომპანია „პირველი სტერეოსა“ და „სტერეო +“-ის ყოფილ დირექტორს დავით ზილფიმიანს ტელეკომპანიის შენობაში შესვლის უფლებას ტელეკომპანიის ახალი გენერალური დირექტორის, ვასილ კობაიძის მიერ დაქირავებული დაცვის სამსახური არ აძლევს. „მგლები“ შენობასთან 19 მაისს გამთენიისას 4 საათზე გამოჩნდნენ.

სტუდია GNS-ის ოპერატორს ზურა პატარიძეს დუშეთის მუნიციპალიტეტის გამგეობის შენობის გადაღების უფლება არ მისცეს. დაცვის პოლიციის თანამშრომელმა ტელეოპერატორი უცენზურო სიტყვებით აგინა, ფიზიკური ძალადობით დაემუქრა და პროფესიული მოვალეობის შესრულებაში ხელი შეუშალა.

შსს-ს მცხეთის რაიონულმა სამმართველომ გამოძიება დაიწყო გაზეთ „რეზონანსის“ და მცხეთა - მთიანეთის საინფორმაციო ცენტრის კორესპონდენტზე მარი ოთარაშვილზე ზეწოლის ფაქტზე. ჟურნალისტის დაკითხვას ადამიანის უფლებათა ცენტრის იურიდიული სამსახურის უფროსი, ნინო ანდრიაშვილი დაესწრო. საქმე სსკ-ის 151-ე მუხლით არის აღძრული (მუქარა).