ლტოლვილები / დევნილები

აირჩიეთ წელი

აირჩიეთ თვე

მაღალმთიანი სოფლის მოსახლეობა დახმარებას ითხოვს

10 ოქტომბერი, 2008

„არც შუქი გვაქვს, არც გზა, ბუნებრივ აირზე ოცნებაც ხომ ზედმეტია. განსაკუთრებით რთულ ვითარებაში ზამთარში ან წყალდიდობების დროს ვართ. ერთადერთი გზა, რომელიც სოფელს რაიონთან აკავშირებს, ძლიერი წვიმების დროს მდინარე ჭერემის ხევს მიაქვს და საერთოდ იზოლირებულები ვრჩებით. ამიტომ პურის ფქვილს და სხვა სურსათს ზაფხულში ვიმარაგებთ, რომ ზამთარში შიმშილით არ გავწყდეთ“, - ამბობს სოფელ ჭერემის მკვიდრი თამარ იაგანაშვილი.

დევნილების თანხების მითვისების ფაქტზე გამოძიება დაიწყო

10 ოქტომბერი, 2008

შს სამინისტროს კონსტიტუციური უსაფრთხოების დეპარტამენტმა საომარი მოქმედებების დროს შიდა ქართლიდან დევნილების დახმარების მოტივით, კახეთში შეგროვებული დიდი ოდენობით თანხის არამიზნობრივად გახარჯვისა და მითვისების ფაქტზე გამოძიება დაიწყო. ამის შესახებ "ადამიანის უფლებათა ცენტრს" სანდო წყარომ აცნობა. კონსტიტუციური უსაფრთხოების დეპარტამენტის გამომძიებლებმა უკვე დაკითხეს რამდენიმე ბიზნესმენი, რომლებმაც დევნილების დასახმარებლად ათასობით ლარი გაიღეს.

მოსახლეობა ოსების და ქართველების გაძარცვულ სახლებში ბრუნდება

10 ოქტომბერი, 2008

გუშინ შიდა ქართლის სამხარეო პოლიციის ქვედანაყოფები ქართულ სოფლებში ზარ-ზეიმით შევიდა. შინდისის, ნიქოზის, ფხვენისის, ერგნეთის, ბროწლეთის და ა.შ. სოფლების მაცხოვრებლები ქართულ პოლიციის გამოჩენას დიდი სიხარულით შეხვდნენ. სამხარეო პოლიციის უფროსს ვოვა ჯუღელს რუსმა მშვიდობისმყოფელმა მარატ კულახმეტოვმა ,,ნაბლოკსპოსტარი" ადგილები ჩააბარა.

ენგურის გადაკვეთა მხოლოდ აფხაზური პასპორტის მქონე პირებს შეეძლებათ

9 ოქტომბერი, 2008

კავშირგაბმულობის ტექნიკუმიდან 105 აფხაზეთიდან დევნილი ოჯახი გამოასახლეს

9 ოქტომბერი, 2008

კერძო სექტორში განთავსებული დევნილებისთვის ჰუმანიტარული დახმარების პირველი ცენტრი გაიხსნა

9 ოქტომბერი, 2008

გორის რაიონის დეოკუპირებულ სოფლებში გამნაღმველთა ჯგუფი მუშაობს

9 ოქტომბერი, 2008

„კასეტური ბომბების“ მოსავალი გორის რაიონის ქართულ სოფლებში

8 ოქტომბერი, 2008

2 ოქტომბერს ჯეფრი სილვერმანმა და დამოუკიდებელმა ფოტოკორესპონდენტმა იან ქარვერმა (ორივე ამერიკის მოქალაქეა) საიდუმლო გამოძიება ჩაატარეს გორის რაიონის ქართულ სოფლებში (ე.წ. უსაფრთხოების ზონა) და აღმოაჩინეს, რომ იქ კასეტური ბომბები გამოიყენეს, რაც მანამდე საერთაშორისო ორგანიზაცია “ჰუმან რაითს ვოჩმაც” აღნიშნა სამხრეთ ოსეთზე დაწერილ თავის ანგარიშში. ამერიკელმა ჟურნალიტებმა თავი ადგილობრივებად გაასაღეს, ძველ ტანსაცმელში გამოწყობილებმა ადგილობრივი ტრანსპორტით რუსული საგუშაგოების გავლით გორისა და სამხრეთ ოსეთის საზღვარზე მდებარე ე.წ. უსაფრთხოების ზონაში შეაღწიეს.

„ცხინვალი მინის ნამსხვრევებით იყო სავსე, ქუჩებში კი გვამები ეყარა“...

7 ოქტომბერი, 2008

ცხინვალიდან ხუთი დღის წინ წამოსული ოსი ქალბატონის მონათხრობი „7 აგვისტოს ცხინვალში მშვიდობიანი მოსახლეობა თითქმის აღარ იყო დარჩენილი. ყველამ წინასწარ იცოდა, რომ ომი იწყებოდა. ციხის მზარეული, ვალია ჯიოევა ომის დაწყებამდე სამი დღით ადრე გარბოდა ცხინვალიდან, ქუჩაში შემხვდა, ვკითხე, სად გარბიხარ მეთქი და ჩვენო, ციხიდან გავუშვით ის ხალხი, რომელიც კარგად ისვრისო. ხელფასები წინასწარ მოგვცეს და თავს უშველეთ, გვითხრესო. ამ ამბის გაგების შემდეგ შვილს დავურეკე სოფელ დისევში, რომელიც იქ სახლს იშენებდა. გავაფრთხილე, რომ ქალაქში ევაკუაცია დაიწყო და ოჯახი გაეხიზნა.

კახეთში დევნილები შიმშილის ზღვარზე არიან

3 ოქტომბერი, 2008

სად დაიხარჯა ბიზნესმენებისთვის გამორთმეული ათიათასობით ლარი? შინაგან საქმეთა მინისტრმა ვანო მერაბიშვილმა საქართველოს პრეზიდენტს მიხეილ სააკაშვილს რუსული აგრესიის შედეგად დაზარალებული ადამიანების დასახმარებლად მიმდინარე სამუშაოებთან დაკავშირებით ანგარიში ჩააბარა. საუბარი არ შეხებია კახეთში ამ დრომდე მყოფ დევნილებს, რომელთა უმრავლესობაც გაუსაძლის პირობებში იმყოფება. დევნილების დიდ ნაწილს, მედიკამენტებზე და პირველადი მოხმარების საგნებზე რომ აღარაფერი ვთქვათ, საკვებად პურიც არ ჰყოფნით. იძულებით გადაადგილებულებს დღეისათვის მხოლოდ გაეროს სასურსათო პროგრამით გათვალისწინებული მწირი დახმარება მიეწოდებათ, ისიც დაგვიანებით. უცნობია, რაში დახარჯეს მუნიციპალიტეტების გამგეობებმა რეგიონში მომუშავე ბიზნესმენებისთვის და საბიუჯეტო დაფინანსებაზე მყოფი ორგანიზაციების თანამშრომლებისთვის გამორთმეული ათიათასობით ლარი.

კარალეთიდან დევნილი მცირეწლოვან ბავშვებთან ერთად შიმშილობს

1 ოქტომბერი, 2008

კარვების ქალაქი ომის შემდეგ

19 სექტემბერი, 2008

დღის 2 საათზე კარვების ქალაქში ხალხი შეკრიბეს - ყველანი შეხვედრაზეო, სკანდირებდა თბილისელი მოხალისე. დევნილებს შესაკრებად იქ ეპატიჟებოდნენ, სადაც ონკანი დგას. გვერდზე ტუალეტები და აბანოების კოტეჯებია ჩამწკრივებული: ,,თქვენივე საკეთილდღეოდ, მოდით, ნუ გეზარებათო... მე განა დიდ ხელფასს მიხდიან, ყოველდღე თბილისიდან იმიტომ ჩამოვდივარ, რომ თქვენ მოგემსახუროთო...“ არ ცხრებოდა თბილისელი მოხალისე და მეგაფონში ხალხს შესაკრებად კიდევ ერთხელ უხმობდა.

ახალგორის რაიონში ქართველებს ქართულად ლაპარაკს უვკე ოფიციალურად უკრძალავენ

18 სექტემბერი, 2008

„არ გვინდა სანაგვეში სიკვდილი“

17 სექტემბერი, 2008

„ადამიანის უფლებათა ცენტრის“ ქუთაისის ოფისს დევნილთა ერთერთი კოლექტიური ცენტრის მცხოვრებლებმა მიმართეს. დევნილები ზემო აფხაზეთიდან უმძიმეს საცხოვრებელ პირობებს უჩივიან და დახმარებას არასამთავრობო და საერთაშორისო ორგანიზაციებისგან ითხოვენ. როგორც თვითონ ამბობენ, ადგილობრივი ხელისუფლების იმედი, კარგა ხანია, აღარ აქვთ.

17 წლიანი უსახლკარობა გრძელდება

16 სექტემბერი, 2008

ცხინვალის რეგიონიდან დევნილ შალუტაშვილების ოჯახს ყურადღება არ ეღირსა 1991 წელს ცხინვალის რეგიონიდან დევნილი ჯიმშერ შალუტაშვილისა და ციცინო ზედგინიძის ოჯახი ისევ უბინაოდაა. სახლი სადაც შალუტაშვილები არიან შეხიზნული, მიზერულ ფასად აუქციონზე გაიყიდა. ,,იმ დღეს სამართალი გაიყიდა” - აცხადებს ციცინო ზედგინიძე.

კიდევ ერთი სარჩელი რუსეთის წინააღმდეგ

15 სექტემბერი, 2008

საქართველო-რუსეთის ომის დროს, უამრავი ადამიანი, როგორც სამხედრო, ასევე მშვიდობიანი მოსახლეობა რუსების ტყვეობაში აღმოჩნდა. თავისთავად ტყვეობა ომის კანონების დარღვევად არ მიიჩნევა, თუმცა ტყვეების ექსპლუატაცია და წამება საერთაშორისო სამართლის დარღვევაა. ტყვეობაში ნამყოფი მოსახლეობა ყვება, თუ რა პირობებში უწევდა მას ცხინვალის საპყრობილეში არსებობა.

დევნილები მძიმე პირობებს გაურბიან

11 სექტემბერი, 2008

ქუთაისში დევნილთა რიცხვი თანდათან იკლებს. თუმცა, წასვლა ამჯერად საკუთარ ოჯახებში დაბრუნებას არ გულისხმობს. იძულებით გადაადგილებულები მძიმე საცხოვრებელ პირობებს და გაურკვეველ მომავალს გაურბიან.

დევნილები ჰიგიენური კატასტროფის წინაშე

10 სექტემბერი, 2008

გორის კარვებში განთავსებული დევნილები ჰიგიენულ კრიზისზე საუბრობენ. არც საპონი, არც შამპუნი, არც ცხელი წყალი... ტყვიებს გადარჩენილი ხალხი ახლა ეპიდემიის საფრთხის წინაშე დგას.

სკოლებიდან გამოსახლებული დევნილებისთვის მერია ადგილს ვერ პოულობს

9 სექტემბერი, 2008

სასწავლო პროცესის დაწყებასთან დაკავშირებით სახელმწიფომ სკოლების დევნილებისგან დაცლა დაიწყო. მერია და გამგეობები მათთვის ალტერნატიულ ფართს ეძებენ, მაგრამ შეზღუდული რესურსების გამო დევნილებს ცხოვრებისთვის გამოსადეგ პირობებს ვერ სთავაზობენ. უკმაყოფილო დევნილები თავად ცდილობენ, ცარიელი შეჯნობები დაიკავონ, რაც ხშირად შეხლა-შემოხლით მთავრდება.

ხელისუფლება ჰუმანიტარული დახმარების განაწილების პროცესს ასაიდუმლოებს

8 სექტემბერი, 2008

ლტოლვილთა და განსახლების სამინისტროს 6 სექტემბრის მონაცემებით, თბილისში დევნილთა რაოდენობამ 39 596, რეგიონებში - 21 776, სულ - 61 372 ადამიანი შეადგინა. თბილისში ფუნქციონირებს 400 დროებითი თავშესაფარი, რეგიონში - 118, სულ _ 518 ობიექტი. 22 აგვისტოსთვის, ცხინვალის რეგიონიდან და შიდა ქართლიდან დევნილი 121 167 მოქალაქე იყო რეგისტრირებული. აქედან, თბილისში, 670 დროებით თავშესაფარში 22 576 პირი ცხოვრობდა, რეგიონებში კი 89 თავშესაფარი ფუნქციონირებდა. დევნილების დიდი ნაწილი ახლობლების ოჯახებში იმყოფება. ჰუმანიტარული ტვირთის სიდიდის მიუხედავად, იძულებით ადგილნაცვალ პირთა ბევრი ოჯახი პურის და ჰიგიენური საშუალებების გარეშეა დარჩენილი. იმის დასადგენად რამდენად მიზნობრივად ნაწილდება დახმარება, დაინტერესებულ არასამთავრობო ორგანიზაციას მონიტორინგის განხორციელების საშუალება არ ეძლევა.