პორტალი ადამიანის უფლებების შესახებ

ციხის ცნობილი ტელეკადრების შემდეგ ქუთაისში მოქმედმა მედიამ და არასამთავრობო ორგანიზაციებმა პროტესტის ნიშნად სამოქალაქო მოძრაობა „შეაჩერე აქტი“ ჩამოაყალიბეს.  10-დღიანი საპროტესტო აქციები (21-30 სექტემბერი) დროებითი საზოგადოებრივი მონიტორინგის საბჭოს შექმნით დასრულდა, რომელმაც საქართველოს ციხეებში შესვლისა და მონიტორინგის განხორციელების უფლება მოიპოვა.

 12 ოქტომბერს „სამოქალაქო განათლების ფონდს“, რომელიც ჟურნალ „ტაბულას“ ფლობს“, ტელეკომპანია „საქართველოს“ სამაუწყებლო ლიცენზია გადაეცა - კერძო საერთო მაუწყებლობის №B21, №B91 და №B99 ლიცენზიები. კომუნიკაციების ეროვნულმა კომისიამ ლიცენზიის გადაცემაზე 3 ხმით ერთის წინააღმდეგ განაცხადა თანხმობა. „სამოქალაქო განათლების ფონდის“ დირექტორი უშიშროების საბჭოს მდივნის, გიგა ბოკერიას მეუღლე და ჟურნალ „ტაბულას“ რედაქტორი, თამარ ჩერგოლეიშვილია.

საზოგადოებრივ მაუწყებელზე მიმდინარე პროცესები, რომელიც  რამდენიმე გადაცემის დახურვასა და ჟურნალისტების გათავისუფლებას უკავშირდება, საზოგადოებისთვის ჯერ კიდევ არ არის ბოლომდე ნათელი. ჟურნალისტებიც, რომლებიც საზოგადოებრივი მაუწყებლიდან დაითხოვეს, აცხადებენ, რომ მათთვის ბუნდოვანია ის არგუმენტაცია, რაც არხის დირექტორისგან მოისმინეს.

16 ოქტომბერს სასტუმრო „თბილისი მერიოტში“ ადამიანის უფლებათა ცენტრმა პრესკონფერენცია გამართა, სადაც 10 სექტემბრიდან 7 ოქტომბრამდე პერიოდის მედიამონიტორინგის შედეგები წარმოადგინა.

ყოფილი თავდაცვის მინისტრის დავით კეზერაშვილის კუთვნილმა კომპანია შპს „მედია ჯორჯიამ“ ტელეკომპანია „რუსთავი 2“-ის 40 პროცენტიანი წილი, რომელიც მან 4 ოქტომბერს იყიდა, 5 დღის შემდეგ ბიზნესმენ გიორგი ყარამანიშვილს მიჰყიდა. მანვე იყიდა „ჯორჯიან მედია კომპანიის“ კუთვნილი 50 პროცენტიანი წილი ტელეკომპანია „მზეში“. ეს ცვლილება სამეწარმეო რეესტრში 2012 წლის 9 ოქტომბრით თარიღდება.

სატელევიზიო პოლიტიკური რეკლამები ამომრჩევლისთვის საარჩევნო პროგრამის გაცნობის ერთ-ერთი ეფექტური საშუალებაა. რაც უფრო გასაგები და დამაჯერებელია საარჩევნო სუბიექტის დაპირება, მით უფრო მეტია მისი გამარჯვების შანსი. თუმცა, ამავე დროს, საარჩევნო დაპირება რეალისტური და მოსახლეობის ძირითად საჭიროებებს მორგებული უნდა იყოს.

თბილისის ადამიანის უფლებათა სახლის წევრი ორგანიზაციები გმობენ გაზეთ „ასავალ-დასავალის“ მიერ ძალადობის წახალისებას, რაც გამოიხატა ამ გამოცემის მიერ გლდანის საპყრობილის თანამშრომელთა პირადი მონაცემების ტირაჟირებით და მსხვილი სასათაურე შრიფტით აწყობილი მოწოდებით: „ამოიცანი ჯალათი!“