პორტალი ადამიანის უფლებების შესახებ

შიდა ქართლის ტელე-რადიო კომპანია ,,თრიალეთის" გადამღებ ჯგუფს გორის რაიონის სოფელ შინდისის მინისტადიონზე რწმუნებულ მიხეილ ქარელის პირადმა დაცვამ ფიზიკური შეურაცხყოფა მიაყენა. ამასთან ერთად, მიხეილ ქარელის გარემოცვამ ჟურნალისტებს ვიდეოკასეტა წაართვა. მომხდართან დაკავშირებით, ,,თრიალეთის" საინფორმაციო სამსახურის უფროსმა სოფიკო რეზრიჩენკომ განაცხადა, რომ შიდა ქართლის პროკურატურაში გუბერნატორის დაცვის წევრების წინააღმდეგ სარჩელს 15 სექტემბერს შეიტანენ.

გორის რაიონის გამგებელს ნუკრი პაპუნაშვილს გაზეთ „ლომჭაბუკის” რამდენიმე თანამშრომელი უპირისპირდება. როგორც ჟურნალისტებმა „ადამიანის უფლებათა საინფორმაციო და სადოკუმენტაციო ცენტრს“ აცნობეს, გაზეთის თანამშრომლებს ყოველგვარი ხელშეკრულების და ხელფასების გარეშე ამუშავებენ.