პორტალი ადამიანის უფლებების შესახებ
არჩევნები
აირჩიეთ წელი:
2020
2019
2018
2017
2016
2015
2014
2013
2012
2011
2010
2009
2008
2007
2006
2005
2004
2003
2008-04-30
ნაცმოძრაობამ წალენჯიხელებს მესამე მაჟორიტარი კანდიდატი წარუდგინა
22 აპრილს წალენჯიხელებს ნაცმოძრაობის მაჟორიტარი
დეპუტატობის კანდიდატი, რუსეთში მოღვაწე ბიზნესმენი როლანდ ფიფია
პარლამენტის ვიცე-სპიკერმა, მიხეილ მაჭავარიანმა წარუდგინა. ორი კვირით
ადრე კანდიდატობაზე წარდგენილი და სკანდალურად მოხსნილი რაიონის
მუნიციპალიტეტის გამგებელი გია მებონია და მუნიციპალიტეტის საკრებულოს
თავმჯდომარე გია ხარჩილავა მომხდარს გაუგებრობად აფასებენ, ხოლო
პრეზიდენტის ერთგულების მტკიცებაში ერთმანეთს ეცილებიან. წალენჯიხის
მოსახლეობა კი განვითარებულ მოვლენებს შიდა სახელისუფლებო და შიდაპარტიულ
დაპირისპირებას უკავშირებს.
2008-04-29
დეპუტატობის კანდიდატები ამომრჩევლის მოსყიდვით არიან დაკავებულნი
ამომრჩევლის მოსყიდვას საქართველოს საარჩევნო კოდექსთან ერთად, სისხლის სამართლის კოდექსიც კრძალავს. მიუხედავად ამისა, მაჟორიტარი დეპუტატობის კანდიდატები, ძირითადად "ერთიანი ნაციონალური მოძრაობიდან", ამომრჩევლებს საჩუქრებს და სხვა მატერიალურ ფასეულობებს უსასყიდლოდ, ან შეღავათიან ფასებში მაინც გადასცემენ. ასეთი ფაქტები ადგილობრივი და ცენტრალური ტელეკომპანიების მიერ თითქმის ყოველდღიურად შუქდება, მაგრამ ამ დრომდე არცერთი სისხლის სამართლის საქმე არ არის აღძრული. 2008-04-24
თბილისის პროკურორი მაჟორიტარი დეპუტატობის კანდიდატად კანონის უხეში დარღვევით დაარეგისტრირეს
გურჯაანის #12 საოლქო - საარჩევნო კომისიამ, "ერთიანი ნაციონალური მოძრაობიდან" გიორგი ღვინიაშვილი, გურჯაანის მუნიციპალიტეტის მაჟორიტარი დეპუტატობის კანდიდატად კანონის უხეში დარღვევით დაარეგისტრირა. საქართველოს საარჩევნო კოდექსით და ცენტრალური საარჩევნო კომისიის მიერ დადგენილი მოთხოვნების მიუხედავად, ღვინიაშვილს საოლქო - საარჩევნო კომისიაში, ამ დრომდე არ აქვს წარდგენილი სამართლებრივი აქტი, რომელიც დაადასტურებდა, რომ ის თბილისის პროკურორად აღარ მუშაობს.
2008-04-22
გორში ოპოზიცია ,,არათანაბარ პირობებს" უჩივის
გორში მძაფრ ,,მაჟორიტარულ ომს" წინასწარმეტყველებენ.
საარჩევნო ფერხულში ორ დაპირისპირებულ მხარეს - ნაციონალებსა და
გაერთიანებულ ოპოზიციას, მესამე მხარე - ჯუმბერ პატიაშვილის კანდიდატურაც
დაემატა. პატიაშვილის ფაქტორმა პოლიტიკური სპექტრი გორში მთლიანად არია.
ადგილობრივი ხელისუფლება პანიკაშია. ,,ნაციონალების" შტაბში მუშაობა
გაცხოვებული ტემპით უკვე მიმდინარეობს.
2008-04-14
ცესკო-ს და პარლამენტს გამჭვირვალე არჩევნების ჩატარება არ სურს
ცესკო საპარლამენტო არჩევნების გამჭვირვალობის შეზღუდვას ცდილობს. სწორედ ამას ემსახურება 21 მარტს პარლამენტის მიერ მიღებული ცვლილება, რომლის თანახმადაც ვიდეოთვალის ჩანაწერის მონაცემები საჯარო ინფორმაციას აღარ წარმოადგენს. 2008-04-14
სააკაშვილი პარლამენტში შევარდნაძის კადრებს აბრუნებს
საარჩევნო ოლქებში მაჟორიტარი დეპუტატობის კანდიდატების წარდგენის ბოლო ვადა 21 აპრილია. მანამდე რამდენიმე დღე დარჩა, მაგრამ კახეთში, ხელისუფლების კანდიდატების ვინაობა უკვე ცნობილია. 2008 წლის 21 მაისის საპარლამენტო არჩევნებში რეგიონიდან კენჭს ბიზნესმენებთან და "მოქალაქეთა კავშირის" კადრებთან ერთად, უშიშროებისა თუ პროკურატურის ყოფილი და ამჟამინდელი მაღალჩინოსნებიც იყრიან.2008-04-10
პედაგოგებს ატერორებენ, ურჩებს სკოლებიდან აძევებენ
რაც უფრო ახლოვდება საპარლამენტო არჩევნები, ოპოზიციური პოლიტიკური პარტიების მხარდამჭერებზე ზეწოლის ფაქტები მით უფრო ხშირდება. გამგეობა, საკრებულო, პოლიცია, პროკურატურა, მმართველი პარტიის ადგილობრივი ოფისები და სხვა სახელისუფლებო ორგანოები, მუქარისა და შანტაჟის გზით, ოპოზიციის აქტივისტების გადაბირებას და მოსყიდვას ცდილობენ. წინააღმდეგ შემთხვევაში კი დასაქმებულებს სამსახურებიდან ყრიან, უმუშევრებს კი ახლობლების დაჭერით ემუქრებიან.2008-04-08
გორში პარლამენტარობისათვის ბრძოლა პიკს აღწევს
შიდა ქართლის
,,მედია-მაგნატი" ბადრი ნანეტაშვილი ცდილობს რამენაირად ხელისუფლებაში
ისევ მოხვდეს. დაზუსტებული ინფორმაციით, ტელეკომპანია ,,თრიალეთის"
დირექტორ ნანეტაშვილს პარლამენტარობა სურს, ეს იმ დროს, როდესაც 2006
წელის 21 ივნისს პარლამენტის უმრავლესობამ იგი პარლამენტიდან დაითხოვა.
ნანეტაშვილი მაშინ იმიტომ გააძევეს პარლამენტიდან, რომ იგი პარალელურად
სამეწარმეო საქმიანობას ეწეოდა, ხოლო თავისი ტელევიზიით ადგილობრივი
ხელისუფლების მაღალჩინოსნებს და მეწარმეებს მწვავე სიუჟეტებით
აშანტაჟებდა. ეს ყველაფერი სახალხო დამცველის 2006 წლის ანგარიშში
დეტალურად არის აღწერილი.
2008-04-03
ვინ სჭირდება პარლამენტს უფრო მეტად: ბიზნესმენი თუ მძღოლი?
21 მაისის საპარლამენტო არჩევნებისთვის ბრძოლა უკვე დაწყებულია. პოლიტიკური პარტიები, როგორც ოპოზიციიდან, ასევე ხელისუფლებიდან, ამ პროცესში აქტიურად ჩაერთნენ. ყველა პარტიას ბრძოლის თავისებური მეთოდი აქვს. ნაციონალური მოძრაობა მოსახლეობის სიმპათიის მოპოვებას არა მხოლოდ დაპირებებით, არამედ ცნობადი სახეებითაც ცდილობს. ნაციონალური მოძრაობის სიაში იხილავთ არა მხოლოდ შემოქმედებს, არამედ პრაგმატულად მოაზროვნე ბიზნესმენებსაც. რატომ გაუჩნდათ წარმატებულ ბიზნესმენებს პოლიტიკაში გადასვლის სურვილი? არიან თუ არა ისინი მზად მიატოვონ საკუთარი აწყობილი საქმე და ოპოზიციასთან „ხელჩართულ ბრძოლაში“ ჩაერთონ?2008-04-02
ადიდებულ ლიახვში გადაყრილი ქვები, წითელ-ყვითელი ფასადები, იაპონური კომშის ხეები - სიღარიბის წინააღმდეგ
ერთი კვირის განმავლობაში აღმასრულებელი ხელისუფლების თითქმის ყველა მაღალჩინოსანი გორს სტუმრობდა. მაღალჩინოსნები ადიდებულ წყალში ქვების ჩაყრის პროცესის ნახვას ერთმანეთს არ აცდიდნენ. მარნეულიდან ჩამოტანილი ქვების გროვების სანახავად თბილისიდან რამდენიმე მინისტრი მოადგილებითურთ ერთი მეორის მოყოლებით ჩამოვიდა. საბოლოოდ, გორში წინასაარჩევნო კამპანია მინისტრებმა ,,სიღარიბის წინააღმდეგ ბრძოლის“ ნიღბით დაიწყეს.2008-04-01
ბეტონის ფილების აყრა-დაგება - საარჩევნო კამპანიის განუყრელი ნაწილი
ზუგდიდში საარჩევნო კამპანიები ბეტონის ფილების აყრით იწყება და სრულდება. ადგილობრივი ხელისუფლება ტრადიციას არც ამჯერად ღალატობს და საპარლამენტო არჩევნების წინ ქალაქის ცენტრალური ნაწილის გადათხრას იწყებს. წელიწადის ყველა დროში ქვაღორღიან ტროტუარზე სიარული მოსახლეობას უკვე მობეზრდა და პროტესტის გამოხატვა დაიწყო, თუმცა უკმაყოფილება ზუგდიდის მთავარი ხეივნის ტერიტორიას ჯერჯერობით არ გასცდენია. სხვა სიახლეები
ადამიანის უფლებათა ცენტრი (HRC) აცხადებს ვაკანსიას
საქართველომ რუსეთს სამი პატიმარი გადასცა
თამლიანის საქმის დისტანციურ სასამართლო სხდომას ადამიანის უფლებათა ცენტრის მონიტორიც დაესწრო
უფასო ონლაინ იურიდიულ დახმარება არასრულწლოვნებისთვის
ირაკლი ოქრუაშვილი სასამართლომ წინასწარ პატიმრობაში დატოვა
არქივი
გამოკითხვა
ბლოგი
სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“ვრცლად...
უჩინარი მტერი
აპოკალიფსი არ იქნება
რედაქტორის აზრი
ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიანვრცლად...
უიმედოთა სოფელი
რა დაემართა სამართლიანობის აღდგენის ოცნებას
თემები
