სტატია

აირჩიეთ წელი

აირჩიეთ თვე

მიწის მაფია გორში

8 ნოემბერი, 2010

„ადამიანის უფლებათა ცენტრის“ გორის ოფისი გორის ადმინისტრაციული შენობის უკან და საერთოდ, ქალაქის ტერიტორიაზე ბოლო წლებში მომხდარი მიწის ნაკვეთების გაცემის კანონიერებით დაინტერესდა. ამ მხრივ ყველაზე გახმაურებული ფაქტი ქალაქის საკმაოდ პრესტიჟულ უბანში (გამგეობის შენობის უკან) მოულოდნელად გაყიდულმა მიწის ნაკვეთებმა მიიქცია. უბანში, სადაც ყველაზე შეძლებული ადამიანები ცხოვრობენ, ბევრი საიდუმლოება ინახება. როგორ ხდება, რომ ამ ტერიტორიაზე ჩვეულებრივ ადამიანს უჭირს არათუ აუქციონში მონაწილეობა, არამედ ინფორმაციის წინდაწინ მიღებაც კი. ეს საშიშროება პირადად ამხანაგობა „ჯანმრთელობამ“ საკუთარ თავზე გამოსცადა და უფლებების დაცვა გადაწყვიტა.

პოლიკლინიკა წყლის გარეშე

8 ნოემბერი, 2010

პრეზიდენტის 678-ე განკარგულებით, რომელიც 2010 წლის 19 ივლისით თარიღდება, ხონის პოლიკლინიკა - შპს „ესკულაპე“ პირდაპირი მიყიდვით სადაზღვევო კომპანია „ალდაგს“ გადაეცა. სადაზღვევო კომპანიის ინიციატივით, ამ შენობაში, ოცსაწოლიანი სტაციონარული მომსახურების სამედიცინო ცენტრი უნდა განთავსებულიყო. პირობაში ასევე მითითებულია, რომ საავადმყოფო ყველა ნორმისა და სალიცენზიო პირობის დაცვით ექსპლუატაციაში 2011 წლის დეკემბერში უნდა შევიდეს.

სტატუსი და კომპენსაცია - გადაუჭრელი პრობლემები უგზოუკვლოდ დაკარგულთა ოჯახებისთვის

5 ნოემბერი, 2010

მიუხედავად იმისა, რომ საქართველოში 907 უგზო-უკვლოდ დაკარგულია, კანონმდებლობა ამ პრობლემის მოგვარების ეფექტურ გზებს არ ცნობს. საქართველო არ არის მიერთებული 2006 წლის გაეროს კონვენციას გაუჩინარებულების შესახებ. კიდევ ერთი პრობლემა დაკარგულის ახლობლებისთვის დაზარალებულის სტატუსის მინიჭებაა, ასევე კომპენსაციის გადახდა მათთვის.

„დამწვრობის ცენტრში“ დევნილი სიკვდილს ებრძვის

5 ნოემბერი, 2010

დამწვრობის ცენტრში მყოფი აფხაზეთიდან დევნილი ნანა ფიფიას ჯანმრთელობის მდგომარეობა ჯერ კიდევ მძიმეა. ექიმები შემდგომ გართულებებს ელიან. ნანა ფიფიამ 27 ოქტომბერს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წინ თვითმკვლელობის მიზნით, ბენზინი გადაისხა და ცეცხლი წაიკიდა, რის შედეგადაც მან სხეულის თერმული მე-3 „ა“ და მე-3 „ბ“ ხარისხის დამწვრობა მიიღო.

„საიდან აღმოჩნდა ჩემი შვილი ოჯახიდან მალაიზიაში ორი ჩანთა ნარკოტიკით?!“ - უკვირს ბაბუცა გორდაძის დედას

4 ნოემბერი, 2010

მალაიზიაში ნარკოტიკების გავრცელების ბრალდებით დაკავებულ ორ ქართველ ქალბატონს სიკვდილით დასჯა ემუქრება. ამ ნარკოდანაშაულის შესაძლო მთავარი გმირი კი მას შემდეგ გაუჩინარდა, რაც სამართალდამცავებმა მასზე ეჭვი აიღეს. ადამიანს, რომელმაც ორი ქართველი ქალბატონი თურქეთში ჯინსების მაღაზიაში სამუშაოდ წაიყვანა, ამ დრომდე ვერ მიაგნეს.

„გთხოვთ მშივრები არ დატოვოთ ჩვენი შვილები!“ – გარემოვაჭრეებმა საკრებულოს გადაწყვეტილებას აქციით უპასუხეს

4 ნოემბერი, 2010

3 ნოემბერს რუსთავში გარემოვაჭრეებმა აქცია გამართეს. ისინი რუსთავის საკრებულოს გადაწყვეტილებას აპროტესტებდნენ, რომლის თანახმადაც , მათ რუსთავის მე-12 მიკრორაიონის ე.წ. სტამბულის მიმდებარე ტერიტორიაზე ვაჭრობა აეკრძალათ.

HRIDC.TV-ს ახალი ფილმის - „დაკარგულების“ პრემიერა „კინოს სახლში“

4 ნოემბერი, 2010

„დაკარგულები“ - ასე ჰქვია „ადამიანის უფლებათა ცენტრის“ ვიდეოპორტალის HRIDC.TV-ს ახალ დოკუმენტურ ფილმს, რომლის საპრემიერო ჩვენება 9 ოქტომბერს „კინოს სახლში“ გაიმართა. გიორგი ჯანელიძის ავტორობით გადაღებული ფილმი აფხაზეთსა და ცხინვალის რეგიონში საომარი მოქმედებების დროს ძალადობრივად გაუჩინარებული მოქალაქეების მოძიების პრობლემებს ეხება.

მეწარმეთა დაპატიმრებები და საკუთრების ხელყოფა საქართველოს იმიჯს ლახავს

3 ნოემბერი, 2010

საქართველოში არსებულ ბიზნესგარემოს ყოველწლიურად უამრავი საერთაშორისო თუ ადგილობრივი ორგანიზაცია იკვლევს. მსოფლიო ბანკის 2010 წლის ანგარიშით (Doing Business 2010), საქართველოს ბიზნესგარემო მსოფლიოში მე-11 ადგილზეა. 2008 წლის მონაცემებით კი იგი მე-18 ადგილს იკავებდა. წინ გადადგმული ნაბიჯის მიუხედავად, ექსპერტთა ნაწილი მიიჩნევს, რომ ბიზნესის განვითარების თვალსაზრისით, ქვეყანაში უარყოფითი ტენდენციები უფრო მეტად შეინიშნება.

მღებრიშვილის დაბრუნება - „შენ უკვე გადაიხადე კომუნალური გადასახადები?!“

3 ნოემბერი, 2010

უახლოეს მომავალში თბილისის მცხოვრებთ ახალი თავსატეხი გაუჩნდებათ. ერთი კომუნალური გადასახადის გადახდაც რომ დაუგვიანდეთ, ელექტროენერგიას გაუთიშავენ. მაგალითად, თუ წყლის დავალიანება დაგიგროვდათ, „თბილისის წყალს“ „თელასი“ გამოუცხადებს „სოლიდარობას“ და სიბნელეში დაგტოვებთ.

პოლიტპატიმრების მხარდასაჭერი აქცია პარლამენტის წინ

3 ნოემბერი, 2010

პოლიტპატიმართა სოლიდარობის საერთაშორისო დღესთან დაკავშირებით, 30 ოქტომბერს საქართველოს პარლამენტის წინ „ადამიანის უფლებათა ცენტრის“ ორგანიზებით, საპროტესტო აქცია გაიმართა. აქციაზე შეიკრიბნენ უფლებადამცველები, პოლიტპატიმრების ოჯახის წევრები და პოლიტიკოსები. აქციის მონაწილეთა მთავარი მოთხოვნა საქართველოს ციხეებში მყოფი პოლიტპატიმრების დაუყოვნებლივ გათავისუფლება იყო. მათ სოლიდარობა გამოუცხადეს პოლიტპატიმრებს და ისაუბრეს უმძიმეს ვითარებაზე, რაც საქართველოში ამ მიმართულებით არსებობს.

ტოტალური სახელმწიფო კონტროლი უცხოეთიდან გადმორიცხულ ფულზე

2 ნოემბერი, 2010

ფულადი გადარიცხვები საქართველოში, ძალიან მალე, გარკვეულწილად, ტერორისტული ქმედებების საფუძვლად შეიძლება ჩაითვალოს. სწორედ ამიტომ, ქვეყანაში ტერორისტული აქტების თავიდან ასაცილებლად, დეპუტატი თორთლაძე ათი ათასი ლარის ზემოთ გადარიცხვების საყოველთაო და ყოველდღიურ კონტროლს ითხოვს. მის ამ ინიციატივის კი ეჭვის თვალით არა მარტო ექსპერტები და ოპოზიცია უყურებს, არამედ თავად უმრავლესობის წევრები.

ხელისუფლება გალოგრეების გავლენიანი ბათუმური კლანის წინააღმდეგ ილაშქრებს

2 ნოემბერი, 2010

ბათუმელები რუსლან გალოგრეს დაკავებას ხელისუფლების მიერ გალოგრეების ოჯახისთვის იმ სასტუმროს ჩამორთმევის სურვილს უკავშირებენ, რომელიც ჯერ კიდევ ასლან აბაშიძის მმართველობის პერიოდში რუსლანის ძმამ - საქართველო-თურქეთის საბაჟოს ყოფილმა უფროსმა, რამდენიმე წლის წინ გარდაცვილმა ოლეგ გალოგრემ ააშენა.

„ნაძვი“ ბიუროკრატიზმის უსიერ ტყეში

1 ნოემბერი, 2010

პრობლემას, რაზეც ვწერთ, ქალაქ ზუგდიდში, გორის ქუჩაზე, კომპაქტურად ჩასახლებული დევნილების შენობის წინ დაახლოებით 4 მეტრში მდებარე ნაძვი ქმნის. მართალია, იგი სინამდვილეში კედარია, მაგრამ ჩვენც ნაძვად მოვიხსენიებთ, რადგან აქამდე ყველანი ნაძვად იცნობენ - იქვე მცხოვრები დევნილებიც და საჯარო მოხელეებიც, რომლებიც ამ ხესთან ბიუროკრატიული ხლართებით არიან დაკავშირებული.

ყველაფერი ყირამალა!

29 ოქტომბერი, 2010

ავტომატიანი კაცი „დაზარალებულია“, სოციალურად დაუცველი - „ბიზნესმენი“, პატრული-გამომძიებელი კი „საქმეს არჩევს“ ხონის რაიონული სასამართლო რამდენიმე თვეა, განიხილავს სისხლის სამართლის საქმეს, რომელშიც ცხრა პირია ბრალდებული. მათ ქურდული ტრადიციების მიმდევრობა, იარაღის შენახვა, ბიზნესმენზე ფულის გამოძალვა, ხულიგნობა და ნარკოტიკული საშუალების შეძენა-შენახვაში სდებენ ბრალს. ხონის პოლიციამ ბრალდებულების დაკავების სპეცოპერაცია ფარული სატელეფონო საუბრების საფუძველზე განახორციელა.

წყალდიდობის შემდეგ ხონი-მარტვილის დამაკავშირებელ ხიდი დაიკეტა

29 ოქტომბერი, 2010

რამდენიმე დღის წინ გადაუღებელმა წვიმებმა ხონის რაიონის სოფელ მათხოჯის ათამდე ოჯახი დატბორა. მდინარის სანაპირო ზოლზე დაიტბორა სახნავ-სათესი ფართობები. მართალია, მოსახლეობას აქ მოწეული მოსავალი უკვე დაბინავებული ჰქონდა, მაგრამ მათი ნაკვეთები ადიდებულმა ცხენისწყალმა ნაპირიდან 20 მეტრის სიღრმეზე წაიღო. მდინარემ ცენტრალური გზაც დატბორა, სადაც რამდენიმე საათით ტრანსპორტის მოძრაობა შეუძლებელი გახდა.

დევნილების გარემონტებული საცხოვრებელი იტბორება

29 ოქტომბერი, 2010

„ვიცი, როცა ჩემი გვარ-სახელი მედიაში კვლავ გაჟღერდება, იკითხავენ - ეს კაცი კიდევ არ მომკვდარა, ცოცხალიაო? ამას იმიტომ იტყვიან, რომ ამ შენობაში შემოსახლების დღიდან, სულ ერთსა და იმავე პრობლემებზე ვსაუბრობ და დახმარებას ვითხოვ. რა ვქნა, ის პრობლემები, რაზეც მე და ჩემი მეზობლები დღეს გესაუბრებით, ახალი არაა. 2009 წლის აგვისტოს შემდეგ ჩვენთან ვითარება უფრო გაუარესდა და რა დღეშიც ვართ, ალბათ ხედავთ“, - ასე დაიწყო საუბარი „ადამიანის უფლებათა ცენტრთან“ აფხაზეთიდან დევნილმა ვაჟა მონიავამ.

სოზარ სუბარის ძმას 7 წლით თავისუფლების აღკვეთა ემუქრება

28 ოქტომბერი, 2010

„ქართული პარტიის“ ერთ-ერთი ლიდერის, სოზარ სუბარის ძმას, ვახტანგ სუბელიანს ბრალი სისხლის სამართლის კოდექსის 201-ე მუხლით 28 ოქტომბერს ღამით 01:00 საათზე წაუყენეს. ეს მუხლი 7 წლით თავისუფლების აღკვეთას ითვალისწინებს. სუბელიანის გარდა, დაკავებულია ნავთობპროდუქტებში მოქმედი კომპანიის, შპს „ამოს“ კიდევ რამდენიმე თანამშრომელი. მათ ბრალად ყალბი ანგარიშფაქტურების დამზადება წაუყენეს.

ფინანსური პოლიცია გესტაპოს მეთოდებით მუშაობს - 100 მოწმე შუაღამისას პოლიციაში იარაღის ძალით მიიყვანეს

28 ოქტომბერი, 2010

24 ოქტომბერს გვიან ღამით, საქართველოს ფინანსურმა პოლიციამ აჭარის 100 მოქალაქე საცხოვრებელი სახლებიდან აიყვანა. ეს ის მოქალაქეები არიან, რომლებმაც ბოლო 4 თვის განმავლობაში სარფის საბაჟო გამშვები პუნქტი სისტემატურად გადაკვეთა. პოლიცია დანაშაულებრივი ჯგუფის წევრებს და მათ მოკავშირეებს ეძებდა. საბოლოოდ, 100 მოქალაქიდან, 25 ოქტომბერს 15 დაკავებული თბილისში გადაიყვანეს.

ჩინოვნიკების უგულისყურობამ დევნილი თვითმკვლელობის მცდელობამდე მიიყვანა

28 ოქტომბერი, 2010

27 ოქტომბერს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წინ აფხაზეთიდან დევნილმა ნანა ფიფიამ ბენზინი გადაისხა და თვითმკვლელობა სცადა. ის ამჟამად დამწვრობის ეროვნულ ცენტრში იმყოფება და როგორც ექიმები ამბობენ, ამ ეტაპზე პროგნოზის გაკეთება რთულია. დევნილს სხეულის 30 პროცენტზე მეტი აქვს დამწვარი, რაც მე-2 მე-3 ხარისხის დამწვრობად ითვლება.

სად მიყავთ რეზერვი?

28 ოქტომბერი, 2010

თავდაცვის სამინისტროს რეზერვის მომზადების პროგრამა არ გააჩნია და არც ეროვნული გვარდიის სარდალი ჰყავს. ამის მიუხედავად ბაჩო ახალაიას უწყებამ რეზერვისტების გაწვევა უკვე დაიწყო. რეზერვისტებმა ვაზიანში შესაბამისი სამედიცინო შემოწმება გაიარეს. თუმცა, როგორც თავად რეზერვისტები ჩვენთან საუბრისას ამბობენ, სამედიცინო შემოწმება საკმაოდ მცირე ნაწილმა გაიარა.