სტატია

აირჩიეთ წელი

აირჩიეთ თვე

რა აარჩია შიდა ქართლის ვიცე-გუბერნატორმა ჩინჩილაკაშვილმა ქიბარ ხალვაშის ქონებიდან...

27 ოქტომბერი, 2009

„ადამიანის უფლებათა ცენტრმა“ გაარკვია, თუ რის ასარჩევად იმყოფებოდა შიდა ქართლის ვიცე-გუბერნატორი ზურაბ ჩინჩილაკაშვილი ბიზნესმენ ქიბარ ხალვაშის ყოფილი ქონების განაწილების დროს „პრიზასა“ და „არტის“ ტერიტორიაზე. ფოტოზე, რომელსაც გთავაზობთ ჩინჩილაკაშვილი ადგილობრივი კომპანია „არქსტუდიო 2000“-იზ დირექტორ ალიკა მაკრახიძესთან ერთად იმ ჯიპში ზის, რომელიც ხალვაშის ნათესავების განცხადებით ქიბარ ხალვაშის მეუღლეს ეკუთვნოდა.

ვის ინტერსშია საქართველოს პატრიარქის დისკრედიტაცია?

27 ოქტომბერი, 2009

ვიდეოკადრებში, რომლებიც გასულ კვირას ქართულ ვებ-საიტებსა და YouTube-ზე გამოქვეყნდა, საქართველოს პატრიარქი ილია მეორე მოსჩანს, ხოლო კადრს მიღმა დადებული ხმა საქართველოს პრეზიდენტზე მიხეილ სააკაშვილზე შეურაცხმყოფელ კომენტარს აკეთებს. ამ ვიდეოკადრებმა საქართველოს ხელისუფლების, ოპოზიციური პარტიებისა და საქართველოს მართლმადიდებლური ეკლესიის კრიტიკის ქარიშხალი გამოიწვია.

მიზანმიმართული ნაბიჯი პატრიარქის წინააღმდეგ თუ უწყინარი ხუმრობა

26 ოქტომბერი, 2009

პოლიტიკა რწმენაში და რწმენა პოლიტიკაში საქართველოს კათოლიკოს-პატრიარქის ილია მეორის შეურაცხმყოფელი ვიდეოკლიპების ინტერნეტში გავრცელებას საზოგადოების დიდი ვნებათაღელვა მოყვა. ეს ბუნებრივი იყო რადგან ქართული საზოგადოება ტრადიციულ სიწმინდეებზე ორიენტირებული საზოგადოებაა... საქმე ისაა, რამდენად ნამდვილია ეს ორიენტაცია. ამ დაპირისპირებაზე უკვე არაერთი აზრი გამოითქვა, რამაც ნათელყო, რომ ეს საკითხი იმაზე უფრო რეზონანსულია ქართული საზოგადოებისთვის ვიდრე ნებისმიერი პოლიტიკური პროცესი თუ დასკვნა (ტალიავინის კომისიის დასკვნის და ყველა მისგან გამომდინარე პროცესის ჩათვლით).

ბავშვები დახმარების მოლოდინში

26 ოქტომბერი, 2009

ოზურგეთში 400-მდე ბავშვი უკიდურეს სიღარიბეში ცხოვრობს 3 წლის კახა მრავალშვილიან ოჯახში ცხოვრობს, მას ორი და და ერთი მასზე უმცროსი ძმა, დათა, ჰყავს. პატარა ბიჭუნებს ჯანმრთელობის პრობლემები აქვთ, ისინი უნარშეზღუდულები არიან.

სარედაქციო წერილი: - საქართველოს სადარაჯოზე

23 ოქტომბერი, 2009

ამერიკა თავის მეგობრებს საფრთხეში გვერდზე უნდა დაუდგეს. ობამას ადმინისტრაციის მიერ მოსკოვთან ურთიერთობების „გადატვირთვამ“ რუსეთის პერიფერიაზე მდებარე ქვეყნებში გასაგები ნევროტულობა გამოიწვია. შვებისმომგვრელი არც ის იყო, რომ რუსეთის პრემიერ-მინისტრმა ვლადიმერმა პუტინმა საბჭოთა კავშირის დაშლას „მე-20 საუკუნის უდიდესი კატასტროფა უწოდა“. იმ ქვეყნებს შორის, რომლებმაც საბჭოთა კავშირის დაშლის შემდეგ თავისუფლება მოიპოვეს, სავსებით სამართლიანად გაჩნდა შეშფოთება იმის თაობაზე, რომ ისინი ერთხელაც ისევ შეიძლება ბოროტების იმპერიას დაექვემდებარონ.

სკოლების ოპტიმიზაციის ნეგატიური შედეგები

23 ოქტომბერი, 2009

განათლების სამინისტროს მიერ განხორცილებული სკოლების ოპტიმიზაციის პოლიტიკამ, რომელიც 2005 წლიდან განათლების სისტემის რეფორმის ფარგლებში განხორციელდა ბევრი სოფელი სკოლის, ხოლო მოსწავლე განათლების გარეშე დატოვა.

სიღარიბის ზღვარს მიღმა და ქუჩაში

22 ოქტომბერი, 2009

დევნილს საცხოვრებელი ფართი ჩამოართვეს კომპენსაციად კი უკარფანჯრო ფართი შესთავაზეს აფხაზეთიდან დევნილი, სიღარიბის ზღვარს მიღმა მყოფი მედიკო ჯიქია უკვე ერთ კვირაზე მეტია სამ მცირეწლოვან შვილიშვილთან ერთად ქუჩაში ცხოვრობს. 2006 წელს მან ვარკეთილში, კალაუბნის #6-ში მდებარე, აფხაზეთის სასამართლოს შენობაში, დევნილისგან 2 ოთახი შეიძინა, რომელშიც ელემენტარული საცხოვრებელი პირობები შექმნა. ლტოლვილთა სამინისტრომ აღნიშნულ მისამართზე დევნილი 2007 წლის ნოემბერში დაარეგისტრირა. ერთი წლის ლოდინის შემდეგ კი საცხოვრებელი ფართი გადაუფორმა. თუმცა, როგორც აღმოჩნდა გადაფორმება მხოლოდ მას შემდეგ მოხდა, რაც ეს ფართი ადვოკატთა ჯგუფზე გაიყიდა, რომელთა შორის ისანი-სამგორის რაიონის ყოფილი გამგებელი დავით ჯაბიძეც იყო. ამ ჯგუფმა კი დევნილებს საცხოვრებელის დატოვება მოსთხოვა და იძულებით გამოასახლა.

რეფორმირებული ქართული სასამართლო - ფასადი და ფასადს მიღმა

22 ოქტომბერი, 2009

„სამართალმა შერემონტებული სასამართლო დარბაზები დატოვა“ 16 ოქტომბერს „უფლებადამცველთა სამხრეთკავკასიური ქსელის“ ორგანიზებით გაიმართა საჯარო დისკუსია „რეფორმირებული ქართული სასამართლო – ფასადი და ფასადს მიღმა“.

ჟურნალისტები თავისუფალი სიტყვის მოთხოვნით გაერთიანდნენ

21 ოქტომბერი, 2009

დღეს, რეგიონული მედიის ასოციაციისა და ჟურნალისტთა ქსელის ორგანიზებით პარლამენტის შენობის წინ აქცია გაიმართა. ტელეკომპანია „25-ე არხის“ მხარდასაჭერად რეგიონული ჟურნალისტები თბილისში შეიკრიბნენ.

ბათუმის მერიამ შიდა სარემონტო სამუშოების ჩატარებისთვის მოქალაქე დააჯარიმა

21 ოქტომბერი, 2009

ბათუმში საიათნოვას ქუჩის #4-ში მცხოვრები ოჯახი, რომელმაც შიდა სარემონტო სამუშაოები ჩაატარა, მერიის ზედამხედველობის სამსახურმა 4 000 ლარით დააჯარიმა.

სახალხო დამცველი პატიმრების ცემის ფაქტს უარყოფს

21 ოქტომბერი, 2009

მითქმა-მოთქმა იმის შესახებ, რომ რუსთავის #2 საპყრობილიდან ქუთაისის #2 სასჯელაღსრულების დაწესებულებაში ეტაპირებული პატიმრები ბადრაგის მიერ სასტიკად არიან ნაცემი, ქუთაისის ციხეში სახალხო დამცველის ვიზიტით დასრულდა. გიორგი ტუღუშმა პატიმრები მოინახულა და ცემის ფაქტი უარყო. სახალხო დამცველის მიერ გაკეთებული ოფიციალური კომენტარის მიუხედავად, პატიმრების ახლობლების მღელვარება მაინც არ ცხრება.

ჟურნალისტები პარლამენტთან აქციას გამართავენ

21 ოქტომბერი, 2009

რეგიონული მედიის ასოციაციისა და ჟურნალისტთა ქსელის ორგანიზებით, ხვალ, 21 ოქტომბერს, 13:00 საათზე, საქართველოს რეგიონებში მომუშავე ჟურნალისტები, აჭარის ტელეკომპანია „25-ე არხის“ მხარდასაჭერად, თბილისში, პარლამენტის შენობის წინ შეიკრიბებიან. აქციის ორგანიზატორების განცხადებით, ხვალინდელი აქცია გამაფრთხილებელი იქნება. დაზუსტებული ინფორმაციით, აქციას არასამთავრობო ორგანიზაციების წარმომადგენლებიც შეუერთდებიან.

თელავის სასამართლოში ჟურნალისტებს მუშაობის საშუალებას არ აძლევენ

20 ოქტომბერი, 2009

2007 წლის ივლისში საქართველოს პარლამენტმა საერთო სასამართლოების შესახებ კანონში ცვლილებები შეიტანა. ცვლილებების შედეგად სასამართლო სხდომის დარბაზებში ფოტო, ვიდეო გადაღება და ტრანსლაცია აიკრძალა. კანონში ცვლილებების შეტანის პირვანდელი პროექტით აუდიოჩაწერაც იკრძალებოდა, თუმცა ადგილობრივი და საერთაშორისო ორგანიზაციების წინააღმდეგობის გამო, პროექტიდან ეს ჩანაწერი ამოღებულ იქნა. საერთო სასამართლოების შესახებ საქართველოს კანონი სხდომის დარბაზში აუდიოჩაწერას არ კრძალავს. მიუხედავად ამისა, თელავის რაიონულ სასამართლოში ჟურნალისტებს დიქტოფონების გამოყენების და სრულყოფილად მუშაობის საშუალებას არ აძლევენ.

გორში იმპროვიზირებული ომის სუნი ტრიალებს

20 ოქტომბერი, 2009

გორში ყველა გამვლელის სასაუბრო თემა ის ფილმია, რომელსაც ჰოლივუდის ვარსკვლავები ომის შესახებ იღებენ. ქალაქი საომარ ველს დაემსგავსა, ამიტომ ფილმის გადაღება ომიდან ერთი წლის შემდეგ ადამიანთა ფსიქიკაზე ცუდად მოქმედებს. მოსხლეობა სამსახურებში შემოვლითი გზებით დადის. ქალქის ცენტრში გაუთავებლად დადიან ტანკები, დაფრინავენ ვერტმფრენები ისმის აფეთქებების აფეთქებების, ავტომატების კაკანის, „სასიკვდილოდ განწირული“ მსახიობების კვნენის ხმა. შვილმკვდარი დედები ტირიან, მესამე საჯარო სკოლაში სწავლის პროცესი შეჩერებულია. სადღაც სახლს წვავენ, სად საბურავს უკიდია ცეცხლი... გორში მართალია იმპროვიზირებული, მაგრამ მაინც ომის სუნი ტრიალებს.

მოსამართლე ტაბაღუა: „კითხვა მოხსნილია. კითხვა მოხსნილია“...

19 ოქტომბერი, 2009

თელავის რაიონული სასამართლო პოლიტიკური პარტია „ახალი მემარჯვენეების“ მხარდამჭერის კოტე კაპანაძის მიმართ აღძრულ სისხლის სამართლის საქმეს განიხილავს. მოსამართლე ბასარიონ ტაბაღუა პროცესებს სასამართლოს შენობის ყველაზე მცირე დარბაზში ატარებს, რის გამოც დაინტერესებულ პირებს სხდომაზე დასწრების საშუალება არ ეძლევათ. მიუხედავად იმისა, რომ მოქმედი კანონმდებლობით სასამართლო სხდომის დარბაზში აუდიოჩაწერა აკრძალული არ არის, მანდატურები ჟურნალისტებს დიქტოფონის გამოყენების საშუალებას არ აძლევენ.

რა ხდება რეალურად გალში და რა ინფორმაციას ავრცელებს ქართული მხარე

19 ოქტომბერი, 2009

რუსმა სამხედროებმა 16 ოქტომბერს გალის რაიონის სოფელ თაგილონში მასწავლებლები სასტიკად სცემეს. ამის შესახებ აფხაზეთის დევნილი მთავრობის თავმჯდომარემ გიორგი ბარამიამ პრესკონფერენციაზე განაცხადა. მისი თქმით, რუსი სამხედროები შეიჭრნენ სკოლაში და მას შემდეგ, რაც სკოლაში ქართული წიგნები აღმოაჩინეს, პედაგოგებს სასტიკად გაუსწორდნენ.

“ოს-ქართველობა ჩვენს სოფელში არასდროს ყოფილა”

16 ოქტომბერი, 2009

ადამიანის უფლებათა ცენტრი უკვე წერდა სოფელ წითელუბნის შესახებ. ეს ძალიან საინტერესო სოფელია, ერთ-ერთი მათ შორის სადაც ოსები და ქართველები ჯერ კიდევ ერთად ცხოვრობენ და ქართულ-ოსური კონფლიქტის ოცწლიანი ისტორიის მიუხედავად, მაინც ახერხებენ მშვიდობიან თანაარსებობას.

საქართველო კლინტონისგან არასაკმარისს მხარდაჭერას იღებს, იმ დროს როდესაც რუსეთი ტერმინებს სულ უფრო ამკაცრებს

16 ოქტომბერი, 2009

ანალიზი: თბილისი, რომელიც ცოტახნისწინანდელი ომის იარებს იშუშებს, ახალი კონფლიქტის თავიდან აცილებას ცდილობს: ამ კვირაში, მოსკოვში ვიზიტად მყოფი ჰილარი კლინტონის მხარდამჭერმა სიტყვებმა საქართველოს მიმართ, ვერ გაფანტა შიში, რომელიც თბილისში ტურბულენტურ კავკასიაში მოსკოვის მისწრაფებებთან დაკავშირებით არსებობს.

ქუთაისის ციხეში პატიმრები ისევ შიმშილობენ

15 ოქტომბერი, 2009

გასულ თვეს ადამიანის უფლებათა ცენტრი იტყობინებოდა ორი პატიმრის შესახებ, რომლებიც ქუთაისის №2 საპყრობილეში უსამართლობას პროტესტის უმკაცრესი ფორმით ებრძოდა. გიორგი გორგოძემ და გიორგი ზირაქაძემ პირი ამოიკერეს. მათ საპროტესტო აქცია პროტესტის დაწყებიდან ოცდაცამეცამეტე დღეს, მას შემდეგ შეწყვიტეს, რაც პროკურატურიდან მათი მოთხოვნების შესრულების შესახებ პირობა მიიღეს. ბრალდებულებს, რომლებიც თავს უდანაშაულოდ თვლიან, ბაღდათის რაიონის პროკურორი უნდათ შეხვედროდა. დაპირების მიუხედავად, შეხვედრა არ შედგა. პატიმრებმა შიმშილობა განაახლეს.

ევროსაბჭო საქართველოს ხელისუფლებას ეროვნული უმცირესობების პრობლემების მოგვარებას სთხოვს

15 ოქტომბერი, 2009

ევროსაბჭოს ეროვნული უმცირესობების უფლებათა დაცვის კონვენციაზე მომუშავე სათათბირო კომიტეტმა საქართველოსთან დაკავშირებით პირველი დასკვნა გამოაქვეყნა. 54 გვერდიან დოკუმენტში დაწვრილებითაა საუბარი იმ პრობლემებზე, რომლებიც ამ კუთხით საქართველოში შეიმჩნევა. დასკვნის თანახმად, ძირითად პრობლემას წარმოადგენს ენობრივი პრობლემები, რაც საქართველოში მცხოვრები უმცირესობების წარმოადგენლებს ქვეყნის პოლიტიკურ თუ სოციალურ-ეკონომიკურ ცხოვრებაში ინტეგრაციის პროცესს აფერხებს. ევროსაბჭო რეკომენდაციას უწევს საქართველოს ხელისუფლებას გადადგას უფრო ქმედითი ნაბიჯები ამ პრობლემების მოსაგვარებლად. „ადამიანის უფლებათა ცენტრი“ გთავაზობთ ამ დასკვნის ძირითად დებულებებს. დასკვნის სრული ტექსტი და საქართველოს მთავრობის კომენტარები შეგიძლიათ იხილოთ ჩვენსავე ვებ-გვერდზე.