პორტალი ადამიანის უფლებების შესახებ

რუსთაველის #28-ში მდებარე მაღაზია "საუნჯე"-ს მფლობელებს ფართი იძულების წესით დააცლევინეს. მართალია, მათ საპროტესტო აქციაც კი გამართეს, თუმცა, უშედეგოდ. საპატრულო პოლიციის გამოძახების შემდეგ თანამშრომლები იძულებელები გახდნენ, ეკონომიკის სამინისტროს მითითება ერთ საათში შეესრულებინათ.

საქართველოში გამომავალი მედია საშუალებები დღემდე გარკვეული შეღავათებით სარგებლობდნენ. 2007 წლიდან კი მათ აღნიშნულ შეღავათებს უუქმებენ. ეს კი იმას ნიშნავს, რომ შესაძლოა ბევრმა მათგანმა არსებობა ვერ შეწყვიტოს.

„ეს დაწესებულება ერთი წლის განმავლობაში შენდებოდა და აქ მაქსიმალურადაა დაცულია ყველა პირობა, როგორც პატიმრებისთვის, ასევე მომსახურე პერსონალისთვის. მსგავსი საყოფაცხოვრებო პირობები, რაც ამ დაწესებულებაშია, მე სახლშიც კი არ მაქვს,“- ეს განცხადება სასჯელაღსრულების დეპარტამენტის თავმჯდომარემ #2 საპყრობილისა და მკაცრი რეჟიმის დაწესებულების პრეზენტაციაზე გააკეთა.

უფლებადაცვითი ორგანიზაციის წარმომადგენლები გარემოს დაცვის ინპექციის კახეთის ბიუროს თანამშრომლებს ადამიანის უფლებების დარღვევაში ადანაშაულებენ. გდი-ის თანამშრომლები გლეხებს ნაყიდ და ნაჩუქარ შეშას თითქმის ყოველდღიურად ართმევენ და სამართალდამრღვევებს სასამართლოს გადასცემენ.

ადიგენის რაიონის სოფელი ხევაშენი წლების მანძილზე სასმელი წყლის გარეშე ცხოვრობს. მოსახლეობამ დასახმარებლად თითქმის ყველა შესაბამის ორგანოს მიმართა. დროთა განმავლობაში დახმარების იმედმა სამთავრობო ორგანიზაციებიდან არასამთავრობო ორგანიზაციებზე გადაინაცვლა, თუმცა ისევ უშედეგოდ.

პარლამენტის აგრალურ საკითხთა კომიტეტის მიერ მომზადებული კანონპროექტით, საძოვრების პრივატიზება შესაძლებელი ხდება. გლეხებს აღნიშნული ინიციატივა არ მოსწონთ, რადგან მათ პრივატიზებისთვის საჭირო თანხა არ გააჩნიათ. თუ ისინი საძოვრების გარეშე დარჩნენ, იძულებულები გახდებიან საქონელი გაწყვიტონ და ბარში გადასახლდნენ.

ბათუმის პორტში, ობიექტის გასხვისების შემდეგ, პირველი დიდი ცვლილება განხორციელდა. გასულ კვირას, პორტის 300 თანამშრომელი, ძირითადად, ადმინისტრაციაში მომუშავე პერსონალი, სამსახურიდან დაითხოვეს.

სტატისტიკური მონაცემებით, ბოლო დროს დამოუკიდებელი ჟურნალისტების უფლებები საქართველოს მასშტაბით, ყველაზე მეტად კახეთში ირღვევა. „ადამიანის უფლებათა საინფორმაციო და სადოკუმენტაციო ცენტრის” ინფორმაციით, 2004 წელს კახეთის რეგიონში ჟურნალისტთა უფლებების დარღვევის თხუთმეტამდე ფაქტი დაფიქსირდა, 2005 წელს მდგომარეობა გაუარესდა და 27 შემთხვევიდან ოფიციალურად ყველა ფაქტი გამოუძიებელია. სამართალდამცავებს დანაშაულზე რეაგირებით თავი არც 2006 წელს შეუწუხებიათ.

ჟურნალმა „ეკონომისტი“ მსოფლიოს ქვეყნების დემოკრატიის ინდექსი გამოაქვეყნა. შეფასება 5 კრიტერიუმის მიხედვით მოხდა. ესენია: არჩევნები და პლურალიზმი, მთავრობის ფუნქციონირება, პოლიტიკური აქტივობა, პოლიტიკური კულტურა და სამოქალაქო თავისუფლება. შეფასება ათქულიანი სისტემით წარიმართა. 167 ქვეყნიდან საქართველოს 104 – ე ადგილი უჭირავს.

მიმდინარე წლის 5 დეკემბერს, ზუგდიდის რაიონის სოფელ განმუხურში, საქართველოს შსს სწრაფი რეაგირების ბატალიონის წარმომადგენლებმა გალის რაიონის სოფელ ქვემო ბარღების ადმინისტრაციის ხელმძღვანელი ფრიდონ ჩაკაბერია დააკავეს. შსს – ს ინფორმაციით, ჩაკაბერიას ერთი კილოგრამი ჰეროინი და სხვადასხვა სოფლების სასაფლაოებიდან მოპარული დიდი რაოდენობით ალუმინი გადმოჰქონდა.

რამდენიმე დღის წინ ადამიანის უფლებათა ცენტრის ინტერნეტ გაზეთის გვერდებზე, ქ. გურჯაანში მცხოვრები ექვსშვილიანი ოჯახის, ბეგაშვილების გაჭირვების შესახებ, წერილი გამოქვეყნდა. საბედნიეროდ, წერილს დიდი გამოხმაურება მოჰყვა.

შიდა ქართლის მოსახლეობა რკინიგზის დეპარტამენტის უფროსის წინააღმდეგ საპროტესტო აქციებით იმუქრება. ამის შესახებ კასპის და გორის მოსახლეობამ ,,ადამიანის უფლებათა საინფორმაციო და სადოკუმენტაციო" ცენტრს გუშინ აცნობა.

ცხინვალის სახელმწიფო უნივერსიტეტის პროფესორ-მასწავლებლებმა განათლებისა და მეცნიერების მინისტრს ალექსანდრე ლომაიას საპროტესტო ნოტა გაუგზავნეს. დევნილი უნივერსიტეტის 60 - მდე პროფესორ-მასწავლებელი ცხინვალისა და გორის უნივერსიტეტების გაერთიანების იდეის წინააღმდეგ გამოდის. ანალოგიურ პროტესტს გორის უნივერსიტეტშიც გამოთქვამენ.

ქუთაისის სააპელაციო სასამართლოში მოქალაქე ლამზირა ჩალაძის მიერ ქუთაისის რეგიონული სისხლის ბანკის წინააღმდეგ მიმართული სარჩელის განხილვა გრძელდება.

კასპის რაიონის სოფელ იგოეთის ჰესს აუქციონზე იძულების წესით ჰყიდიან. ამ ფაქტს ჰესის მეპატრონე გელა გურასპაშვილი აპროტესტებს. თუ დათქმულ ვადაში შპს ,,სინათლე” (იგოეთის ჰესი) საგადასახადო ინსპექციის მიერ სახელმწიფოს მიმართ დაკისრებულ დავალიანებას, დაახლოებით 86 000 ლარს არ გადაიხდის, ჰესი აუქციონის წესით გაიყიდება.

რამდენიმე დღის წინ გორის უნივერსიტეტის ჟურნალისტიკის ფაკულტეტის სტუდენტები, რომლებიც ადგილობრივ გაზეთებში ,,ქართლის ხმა” და ,,ხალხის გაზეთში” სტაჟირებას გადიოდნენ ცხინვალის ქუჩებში დააპატიმრეს. რამდენიმესაათიანი ტყვეობის შემდეგ ახალგაზრდა ჟურნალისტები უვნებელი გამოუშვეს, თუმცა ფოტოაპარატის ლენტები წაართვეს.

ქობულეთის რაიონში მცხოვრებ ნათელა ცეცხლაძეს რუსეთიდან დეპორტაციის დროს, სადგურში ათი წლის შვილი იძულებით დაატოვებინეს. სასოწარკვეთილი დედა პასუხს საგარეო საქმეთა სამინისტროსგან ითხოვს.

გუშინ, სახალხო დამცველის ოფისში პრეზენტაცია გაიმართა, სადაც სამხედრო ნაწილებში მდებარე ჰაუპტვახტების შემოწმებისას აღმოჩენილი დარღვევები წარმოადგინეს.

ადიგენის რაიონის სოფელ უტყისუბნის მოსახლეობას თხუთმეტი წელია სინათლე არ უნახავს. არა, დღის სინათლე კი უნახავს, მაგრამ ჭერზე, ან კედლებზე ან თუნდაც მაგიდაზე, პატარა თხელი შუშა რომ ანათებს ხოლმე ყვითლად, აი, იმის სინათლე არ უნახავს. ,,ეს ცხოვრება არაა, ეს არსებობაა”, - აცხადებენ ადგილობრივები.

წყალტუბოში საპროტესტო აქციები კვლავ გრძელდება. ელექტროენერგიის მოთხოვნით დევნილები ქუჩაში მესამე დღეა დგანან და პოზიციის დათმობას მანამდე არ აპირებენ, სანამ სს საქართველოს გაერთიანებული სადისტრიბუციო ენერგოკომპანია მათ ელექტროენერგიის მიწოდებას არ აღუდგენს.