სტატია

აირჩიეთ წელი

აირჩიეთ თვე

თელავის უნივერსიტეტიდან ლექტორები გაათავისუფლეს

6 ნოემბერი, 2009

თელავის იაკობ გოგებაშვილის სახელობის სახელმწიფო უნივერსიტეტიდან 3 ლექტორი გაათავისუფლეს. ერთ-ერთი მათგანი ელდინო ჯანგულაშვილი აცხადებს, რომ ის უნივერსიტეტში ფულის საკეთებლად არ ყოფილა მისული და ხელმძღვანელების უკანონო დავალებებს არ ასრულებდა. მისივე თქმით, ამის გამო უნივერსიტეტის რექტორთან გიორგი გოცირიძესთან და მის ძმასთან, პაატა გოცირიძესთან, რომელიც უნივერსიტეტში იურიდიულ სამსახურს ხელმძღვანელობს, დაპირისპირება ჰქონდა.

„რადგან რუსი ვარ, შიმშილით ხომ არ უნდა მოვკვდე?“

6 ნოემბერი, 2009

ადამიანის უფლებათა ცენტრს მოქალაქე ლარისა სპარიხინამ მომართა. სპარიხინა აჭარაში თავს დაუცველად გრძნობს და თვლის, რომ რუსული ეროვნების გამო არღვევენ მის უფლებებს.

შსს-ს თანამშრომლის მამა, მერაბიშვილს შვილის მკვლელის მფარველობაში ადანაშაულებს

6 ნოემბერი, 2009

თბილისში, 15 თვის წინ მოკლული ლევან ოდიკაძის მამა, შინაგან საქმეთა მინისტრს, ვანო მერაბიშვილს მკვლელის მფარველობაში ბრალს სდებს და აცხადებს, რომ მისი შვილის მკვლელობის ბურუსით მოცულ საქმეში, „სანამ ესენი იქნებიან, არაფერი გაირკვევა“.

ახალგაზრდა დედა ოზურგეთის მუნიციპალიტეტის გამგეობის წინ შვილის დატოვებით იმუქრება

4 ნოემბერი, 2009

„თუ არ დამეხმარებიან, იძულებული ვარ ბავშვი გამგეობის შენობის წინ დავტოვო, მირჩვენია... იქნებ შიმშილით აღარ მომიკვდეს. სამი დღეა პურიც არ უჭამია“, - ამბობს მანანა გოგოუაძე, რომელიც ამბობს, რომ უმძიმეს სოციალურ პირობებში უწევს არსებობა. მიუხედავად გაუსაძლისი სიდუხჭირისა ის ვერც უმწეოთა დახმარებას იღებს. ასევე ვერ ახერხევბს მრავალშვიალიანი დედებისა და უნარშეზღუდულ პირთა დახმარების მიღებას.

დევნილებისთვის სახლები შენდება, მაგრამ უხარისხოდ

4 ნოემბერი, 2009

საქართველოს მუნიციპალური განვითარების ფონდის მიერ დევნილთა კოლექტიური ცენტრების რეაბილიტაციის შესახებ ინფორმაცია საქართველოს მთავრობამ მქუხარე ტაშისა და ზარზეიმის ფონზე, ჯერ კიდევ მიმდინარე წლის დასაწყისში გაავრცელა. წინგადადგმული ნაბიჯით აღტაცებულმა მთავრობამ ამით კიდევ ერთხელ შეახსენა ხალხს, რომ გამუდმებით მასზე ზრუნავს. მაშინ ხელისუფლებამ საზოგადოებას თვალსაჩინოებისთვის დევნილთა კოლექტიური ცენტრების რეაბილიტაციის გეგმა წარუდგინა. აღნიშნული გეგმის მიხედვით, მიმდინარე, 2009 წელს 85 ათასამდე დევნილი ახალ კორპუსებში უნდა შესახლდეს. პროცესი დაიწყო, რასაც დევნილების მხრიდან უკმაყოფილება უკვე მოჰყვა.

კონფლიქტის მოგვარების საკითხებში ექსპერტები, შავი ზღვის რეგიონის სამშვიდობო პლატფორმის ინიციატივით, ბუქარესტში შეიკრიბნენ

4 ნოემბერი, 2009

2009 წლის 28-31 ოქტომბერს, კონფლიქტის მოგვარების საკითხებში სამოქალაქო საზოგადოების ექსპერტებმა სომხეთიდან, აზერბაიჯანიდან, საქართველოდან, მოლდავეთიდან, რუმინეთიდან და უკრაინიდან (მთიანი ყარაბახისა და დნესტრისპირეთის ჩათვლით), ბუქარესტში, გაეროს ოფისსა და რედისონის სასტუმროში შეხვედრა გამართეს. 25 კონფლიქტოლოგი შავი ზღვის რეგიონის მუდმივმოქმედი სამშვიდობო პლატფორმაზე სამუშაოდ შეიკრიბა.

საქართველო: პატრიარქზე შექმნილი პაროდიების გამო საქართველოში სიტყვის თავისუფლებაზე დებატები დუღს

4 ნოემბერი, 2009

საქართველოს მთავრობა იმ ვიდეოკლიპებთან დაკავშირებით, რომლებიც Facebook-ზე გამოქვეყნდა და რომელიც შეურაცხმყოფელი იყო საქართველოს მართლმადიდებლური ეკლესიის პატრიარქისთვის, გამოძიებას ატარებს. კლიპებმა საქართველოში საფუძველი დაუდო დებატებს, გამოხატვის თავისუფლების საზღვრების შესახებ.

რეგიონული სატელევიზიო კოშმარები

3 ნოემბერი, 2009

2009 წელს საქართველოში მედიის მდგომარეობის გაუარესებაზე, თითქმის ყველა ავტორიტეტული საერთაშორისო ორგანიზაციის ანგარიშშია საუბარი. Freedom House-ის ახალი ანგარიშის თანახმად, საქართველო იმ 18 ქვეყანას შორისაა, სადაც დემოკრატიის თვალსაზრისით მდგომარეობა გაუარესდა. მეტიც, საქართველოს მაჩვენებლები 2003 წლის შემდგომ პერიოდში ყველაზე დაბალ დონემდე დაეცა. ამ ფონზე საქართველოს პრეზიდენტმა მიხეილ სააკაშვილმა „სი-ენ-ენ“- ის გადაცემა „Connect The World“-ში განაცხადა, რომ საქართველოში 27 დამოუკიდებელი არხი მაუწყებლობს. მისივე თქმით, არის პოლიტიკური თოქშოუები, სადაც ნებისმიერ პოლიტიკურ ძალას საკუთარი აზრის გამოთქმის საშუალება ეძლევა.

ევროპულმა სასამართლომ საქართველოს ღალატში ბრალდებულთა საქმეზე გადაწყვეტილება გამოიტანა

2 ნოემბერი, 2009

2009 წლის 27 ოქტომბერს ევროსასამართლომ შეთქმულებაში ბრალდებულთა საქმეზე გადაწყვეტილება გამოაქვეყნა. კერძოდ საუბარია საქმეზე „ფანჯიკიძე და 6 სხვა საქართველოს წინააღმდეგ“. ევროპულმა სასამართლომ საქართველოს სახელმწიფოს მიერ დარღვეულად ცნო ადამიანის უფლებათა ევროპული კონვენციის მე-6 მუხლი (სამართლიანი სასამართლოს უფლება).

ტომას ბლეიკი: „საქართველოში ბიზნესგარემო შეიძლება გაუარესდეს“

2 ნოემბერი, 2009

Thames UK Limited-ის დირექტორს ტომას ბლეიკს საკუთარ ბიზნესზე კონტროლის განხორციელების უფლება ჩამოართვეს – ეს ინფორმაცია 23 ოქტომბერს სასტუმრო „თბილისი მერიოტში“ გამართულ პრესკონფერენციაზე გახდა ცნობილი.

„უფლებადამცველთა სამხრეთკავკასიური ქსელი“ პოლიტპატიმრების გათავისუფლებას ითხოვს

2 ნოემბერი, 2009

30 ოქტომბერს – პოლიტიკურ პატიმართა სოლიდარობის საერთაშორისო დღეს „უფლებადამცველთა სამხრეთკავკასიური ქსელი“ სოლიდარობას უცხადებს პოლიტიკური მოტივით დაპატიმრებულ ან ზეწოლის ქვეშ მყოფ ადამიანებს ნებისმიერ ქვეყანაში საზღვრების მიუხედავად.

საპრეზიდენტო არჩევნებამდე მასწავლებლები და ექიმები „აფხაზურ პასპორტებს“ აიღებენ

30 ოქტომბერი, 2009

საქართველოს ხელისუფლების მიერ არაკონტროლირებად ტერიტორიაზე ანუ ოკუპირებულ გალის რაიონში მომუშავე მასწავლებლებსა და ექიმებს აფხაზეთის დე ფაქტო ხელისუფლების დავალებით „აფხაზური პასპორტის“ აღებას აიძულებენ. ამის შესახებ „ადამიანის უფლებათა ცენტრს“ გალის რაიონის სოფელ თაგილონის საშუალო სკოლის მასწავლებელმა აცნობა. როგორც რესპოდენტი იტყობინება, მასწავლებლებს „აფხაზური პასპორტის“ ასაღებად ვადა ნოემბრამდე მისცეს. მანამდე კი მათ სხვადასხვა დოკუმენტები უნდა მოამზადონ. პასპორტის ღირებულება 300 რუსულ რუბლს შეადგენს. გარდა ამისა მასწავლებლებმა ნოტარიუსს საბუთების დამტკიცებისთვის 150 რუსული რუბლი უნდა გადაიხადონ.

ტალიავინის დასკვნას ჰააგამდე მივყავართ?

30 ოქტომბერი, 2009

არსებობდა მოლოდინი, რომ ჰაიდი ტალიავინის კომისიის დასკვნა პოლიტიკურ ოპოზიციას ახალი საპროტესტო აქციების ორგანიზების საშუალებას მისცემდა, თუმცა ასე არ მოხდა. ეს დასკვნა ყველა ოპოზიციურმა პარტიამ გამოიყენა საქართველოს ხელისუფლების კრიტიკისათვის და ვადამდელი საპრეზიდენტო არჩევნების მოთხოვნამაც არაერთხელ გაიჟღერა, თუმცა თვით ყველაზე რადიკალურად განწყობილმა ოპოზიციურმა ძალებმაც კი ეს დასკვნა საპროტესტო მოძრაობის დასაწყებად არ ან ვერ გამოიყენეს.

ტალიავინის კომისიის დასკვნამ საქართველოში პროტესტის მიძინებული ვულკანი გააღვიძა

30 ოქტომბერი, 2009

შვეიცარელი დიპლომატის, ჰაიდი ტალიავინის სახელი შესაძლოა სულ მალე საქართველოში ახალი საპროტესტო მოძრაობის დროშად იქცეს. საქართველოს პრეზიდენტის შეურიგებელმა ოპოზიციურმა ძალებმა, რომლებიც აპრილიდან მოყოლებული სამი თვის განმავლობაში მართავდნენ მრავალათასიან დემონსტრაციებს, კვლავ განაცხადეს, რომ ქვეყანაში ვადამდელი არჩევნები უნდა დანიშნოს (www.civil.ge, 2 ოქტომბერი)

რუსი სამხედროები საპყრობილეს სკოლის შენობაში განათავსებენ

30 ოქტომბერი, 2009

ოკუპირებული გალის რაიონის სოფელ ლეკუხონაში რუსი სამხედროების გადაწყვეტილებით წინასწარი დაკავების იზოლატორი სოფლის ერთადერთ სკოლაში განთავსდება.

„კახეთის ენერგოდისტრიბუცია“ მომხმარებლებს აყაჩაღებს

29 ოქტომბერი, 2009

კახეთის მოსახლეობა ს/ს „კახეთის ენერგოდისტრიბუციას“ დაყაჩაღებაში ადანაშაულებს. ენერგოკომპანია, საქართველოს ენერგეტიკის მარეგულირებელი ეროვნული კომისიის (სემეკ) დადგენილებით, მომხმარებლებს თანხას კომუნალური მრიცხველების ჩვენებით ახდევინებს. ათიათასობით აბონენტს ყოველთვიურად მოხმარებული ელექტროენერგიის გადასახადის გადახდის გარდა, დამატებით 5, 10 ან მეტი ლარის გადახდა უწევს. ცოტა ხნის წინ, ენერგოკომპანიის ამგვარ მუშაობას, იურიდიული დახმარების მინისტრმა დიმიტრი შაშკინმა „ჩინგიზ ხანის პრინციპებით მუშაობაც“ კი უწოდა. კომუნალური მრიცხველების არსებობა რამდენჯერმე პრეზიდენტმა სააკაშვილმაც გააკრიტიკა, მაგრამ მდგომარეობა ამ დრომდე უცვლელია. აბონენტებს, რომლებიც სოციალური გაჭირვების გამო, დამატებით დარიცხულ თანხებს ვერ იხდიან, ელექტროენერგია არ მიეწოდებათ.

აფხაზეთში წინასაარჩევნო სამზადისში რუსი სამხედროებიც მონაწილეობენ?

28 ოქტომბერი, 2009

გალის რაიონში დამატებით რუსეთის სამხედრო ძალების შეყვანაზე ურთიერთგამომრიცხავი ცნობები ვრცელდება რუსმა სამხედროებმა გალის რაიონში 27 ოქტომბერს დამატებითი სამხედრო ძალა შეიყვანეს. ამის შესახებ აფხაზეთის ავტონომიური რესპუბლიკის მთავრობის თავმჯდომარე, გიორგი ბარამიამ 28 ოქტომბერს საგანგებო ბრიფინგზე განაცხადა.

მოსახლეობას ავტოფარეხებს უნგრევენ

28 ოქტომბერი, 2009

ბათუმის, ჯავახიშვილის ქუჩის მოსახლეობამ ადამიანის უფლებათა ცენტრს დახმარებისთვის მიმართა. საქმე ისაა, რომ მათ ბათუმის ზედამხედველობის სამსახურმა ავტოფარეხები დაუნგრია.

დევნილთათვის გამოყოფილი 176 646 450 ლარიდან, ფაქტობრივად, მხოლოდ 60 770 900 ლარი დაიხარჯა

28 ოქტომბერი, 2009

"ახალგაზრდა იურისტთა ასოციაციამ" აგვისტოს ომის შედეგად დევნილთა საცხოვრებელი პირობებით უზრუნველყოფისათვის განხორციელებული ღონისძიებების მონიტორინგის პირველადი შეფასება გამოაქვეყნა. შუალედურ ანგარიშში ნათქვამია, რომ დევნილების საცხოვრებელი პირობებით უზრუნველყოფისათვის გამოყოფილი 176 646 450 ლარიდან, ფაქტობრივად, მხოლოდ 60 770 900 ლარი დაიხარჯა. მონიტორინგის შედეგად იურისტებმა სახელმწიფო სახსრების არაეფექტური და უშედეგო ხარჯვის არაერთი ფაქტი გამოავლინეს.

ცოცხალმკვდარ პატიმრებს სასამართლომ 11 წელი მიუსაჯა

27 ოქტომბერი, 2009

ქუთაისის #2 საპყრობილეში გამართული სკანდალური სასამართლო პროცესი, რომელსაც მოშიმშილე პატიმრების საბოლოო განაჩენი უნდა გამოეცხადებინა, ხმაურითა და შეხლა-შემოხლით დასრულდა. მართლმსაჯულებამ ქურდობაში ეჭვმიტანილ გიორგი ზირაქაძესა და გიორგი გორგოძეს 7 და 11 წლით თავისუფლების აღკვეთა მიუსაჯა. სასამართლო პროცესის ქუთაისის ციხეში ჩატარება მას შემდეგ გადაწყდა, რაც შიმშილობისგან დაუძლურებული პატიმრების სასამართლომდე გადაყვანა შეუძლებელი გახდა.