გაფართოებული ძიება

სტატია

აირჩიეთ წელი

აირჩიეთ თვე

წამების მსხვერპლი მსჯავრდებულები ზიანის ანაზღაურებას ითხოვენ

22 მარტი, 2016

22 მარტს პრაიმ-ტაიმის პრესკლუბში ადამიანის უფლებათა ცენტრის წარმომადგენლებმა პრესკონფერენცია გამართეს. უფლებადამცველებმა წამების მსხვერპლი მსჯავრდებულების სარჩელებზე ისაუბრებს, რომლის თანახმად, სასჯელაღსრულებისა და პრობაციის სამინისტროს უნდა დაეკისროს ფიზიკური და მორალური ზიანის ანაზღაურება 500 000 ლარი.

„ეს შენ გეხება“ - აქცია უკანონო მოსმენებისა და თვალთვალის წინააღმდეგ

22 მარტი, 2016

17 მარტს თბილისში კამპანია „ეს შენ გეხებას“ საპროტესტო აქცია გაიმართა. აქციის ორგანიზატორები და მონაწილეები პირადი ცხოვრების ამსახველი ფარული ჩანაწერების გავრცელებას აპროტესტებდნენ.

„კეთილი სამარიტელი მარკოვიდან“ - გამოფენა გაიმართა

19 მარტი, 2016

17 მარტს საქართველოს პარლამენტის ეროვნულ ბიბლიოთეკაში გაიხსნა გამოფენა, სახელწოდებით „კეთილი სამარიტელი მარკოვადან“, რომელიც პოლონურ ულმების ოჯახს მიეძღვნა. პარალელურად კი, ამავე დღეს, პოლონეთში გაიხსნა ულმების ოჯახის სახლ-მუზეუმი.

ერგნეთში გამართულ შეხვედრაზე საოკუპაციო ხაზის გადმოწევის შესახებ იმსჯელეს

19 მარტი, 2016

ინცინდენტების პრევენციისა და მათზე რეაგირების ფარგლებში 15 მარტს ერგნეთში გამართულ რიგით 64-ე შეხვედრაზე ჯარიაშენში საოკუპაციო ხაზის გადმოწევის შესახებ იმსჯელეს.

იეჰოვას მოწმეთა წინააღმდეგ ჩადენილი სამართალდარღვევების რაოდენობა გაიზარდა

19 მარტი, 2016

2015 წლის ნოემბერში, თბილისში, ვაზისუბანში მდებარე იეჰოვას მოწმეთა სამეფო დარბაზი დაუდგენელმა პირებმა ცეცხლსასროლი იარაღიდან ორჯერ დაცხრილეს - დღისით და საღამოს. იეჰოვას მოწმეების რელიგიური შეხვედრებისთვის განკუთვნილი შენობის განზრახ დაზიანების ფაქტს, ოფიციალური ინფორმაციით, არავინ შესწრებია.

ქალაქ გორის საკრებულოს თავმდჯომარემ გადაწყვეტილება შეცვალა

16 მარტი, 2016

(ყოფილი თავდაცვის მინისტრი ირაკლი ოქრუაშვილი საკრებულოს თავმჯდომარის მრჩევლად დაინიშნება) ქ, გორის მუნიციპალიტეტის საკრებულოს თავმჯდომარემ მისი თანაშემწის ნათია ომაძის გათავისუფლება და მის ადგილზე ირაკლი ოქრუაშვილის დანიშვნა გადაიფიქრა, ამის შესახებ ჟურნალიტებს საკრებულოს თავმჯდომარემ, ილია მეტრეველმა განუცხადა

სახალხო დამცველი კონფლიქტის ზონაში პატიმართა გათავისუფლებას მიესალმება

11 მარტი, 2016

2016 წლის 10 მარტს ცნობილი გახდა, რომ საქართველოს ხელისუფლებამ და აფხაზეთისა და სამხრეთ ოსეთის დეფაქტო ხელისუფლებებმა მიაღწიეს შეთანხმებას პატიმართა გათავისუფლების თაობაზე პრინციპით „ყველა ყველაზე“. ამ ნაბიჯით შესაძლებელი გახდა რამდენიმე პირის გათავისუფლება, რომელთაც წლებია უკანონოდ ჰქონდათ თავისუფლება აღკვეთილი ცხინვალისა და სოხუმის ციხეებში.

შიდა ქართლის გუბერნატორმა თანამდებობა დატოვა

10 მარტი, 2016

(ადამიანის უფლებათა ცენტრი შიდა ქართლის ყოფილი გუბერნატორის საქმიანობის შესწავლას მოითხოვს) შიდა ქართლის გუბერნატორმა, ზურაბ რუსიშვილმა გადადგომის შესახებ განცხადებით მთავრობის ადმინისტრაციას მიმართა. შიდა ქართლის გუბერნატორის პრესსამსახურის თანამშრომლის განცხადებით, პრემიერ-მინისტრმა უკვე დაუდასტურა გუბერნატორს განცხადება თანამდებობის დატოვების შესახებ.

პირველი მარტიდან კახეთში ელექტროენერგიის გადასახადი ძვირდება

9 მარტი, 2016

1 მარტიდან კახეთში დენის საფასური 4 თეთრით გაძვირდება და მოსახლეობა 1 კვ ელექტროენერგიაზე 13-ის ნაცვლად 17 თეთრს გადაიხდის. ბუნებრივი აირი კი 1 აპრილიდან მხოლოდ თელავის მოსახლეობის ნაწილისთვის 11 თეთრით ძვირდება. როგორც ადგილობრივები აცხადებენ, ისინი ტარიფის გაიაფებას ელოდნენ, მაგრამ პირიქით მოხდა.

გურჯაანის ჯეოჰოსპიტალსის ექიმები მძიმე პაციენტების თბილისის საავადმყოფოებში გადაყვანას ეწინააღმდეგებიან

29 თებერვალი, 2016

გურჯაანის მუნიციპალიტეტში მცხოვრები მოსახლეობის თქმით, შპს „ჯეოჰოსპიტალსის“ გურჯაანის მრავალპროფილიანი სამედიცინო ცენტრი და მასთან დაქვემდერბარებული ამბულატორიულ სამსახური სეზონურ ვირუსებთან დაკავშირებით კარგად მომზადებული არ არის. მიუხედავად იმისა, რომ საავადმყოფოს არა აქვს შესაბამისი ლაბორატორია (H1N1) ვირუსის დასადგენად, გრიპის ვირუსით შესულ მძიმე პაციენტებსთბილისში სამკურნალოდ გადაყვანაზე უარს ეუბნებიან.

სოციალური დახმარების გარეშე დარჩენილი ავთანდილ მათიაშვილი დახმარებას ითხოვს

29 თებერვალი, 2016

გურჯაანის მუნიციპალიტეტის სოფელ კარდენახში მცხოვრებ ავთანდილ მათიაშვილსა და მის მეუღლეს, მარინე მათიაშვილს სოციალური დახმარება მოუხსნეს. მათიაშვილების თქმით, მაშინ როცა ჯანმრთელობის მდგომარეობა გაუუარესდათ, სოციალური დახმარება მოუხსნეს, პენსია კი წამლებისთვისაც არ ჰყოფნით.

ნეპოტიზმი ვანის გამგეობაში

29 თებერვალი, 2016

ვანის მუნიციპალიტეტის გამგეობამ ხანგრძლივი სტაჟის მქონე რამდენიმე სპეციალისტი სამსახურიდან გაათავისუფლა. გამგეობის აწ უკვე ყოფილი თანამშრომლები ამბობენ, რომ რეორგანიზაციის შემდეგ გამგებელმა სამსახურში მეუღლე, და და დის ქმარი დაასაქმა.

ოცნების ქალაქი

26 თებერვალი, 2016

ბათუმიდან მაღალმთიანი აჭარისკენ მიმავალ გზაზე, ხელვაჩაურის მუნიციპალიტეტში, რამდენიმე პატარა დასახლება გვხვდება. მათგან ყველაზე დამთრგუნველ შთაბეჭდილებას ე.წ. ოცნების ქალაქი ტოვებს: დასახლება, რომელიც დაახლოებით სამი წლის წინ გაჩნდა და სადაც 900-ზე მეტი ოჯახი და 400-მდე ბავშვი გაუსაძლის პირობებში ცხოვრობს, ხელისუფლება კი პრობლემის მოგვარებას მხოლოდ მათ მცირე ნაწილს სთავაზობს.

მიუსაფართა თავშესაფარი

26 თებერვალი, 2016

დიდი ხნის ლოდინისა და მას შემდეგ, რაც ძლიერი ყინვის გამო თბილისის ქუჩებში რამდენიმე უსახლკარო ადამიანი დაიღუპა, თბილისის მერიამ ლილოს დასახლებაში მიუსაფართა მუდმივი თავშესაფარი გახსნა. პროექტისთვის დედაქალაქის ბიუჯეტიდან 1 600 000 ლარი გამოიყო.

გამოცხადებული ტენდერის შესახებ სამართალდამცავებმა მოკვლევა დაიწყეს

25 თებერვალი, 2016

2015 წლის ნოემბერში გორის მუნიციპალიტეტში მომხდარი სტიქიის შედეგად რამდენიმე საცხოვრებელი სახლი დაზიანდა. გორის მუნიციპალიტეტის გამგეობამ სარეაბილიტაციო სამუშაოები დაჩქარებული წესით დაიწყო და დიდი ნაწილი ერთ თვეში დაასრულა. ქარისგან დაზიანებული სახურავების სარეაბილიტაციო სამუშაოების ნაწილი კომპანია „ალონისმა“ შეასრულა. კომპანიის ხელმძღვანელის თქმით, მას პირდაპირი მიყიდვის წესით ხელშეკრულების გაფორმებას დაჰპირდნენ, თუმცა სამუშაოები ისე დასრულდა, ხელშეკრულება ჯერაც არ გაუფორმებიათ.

რადიკალი ისლამისტების ახალგაზრდა მსხვერპლი

16 თებერვალი, 2016

„არავინ იცის, რა ესაქმება ვაჰაბიტურ მეჩეთში. ვიცი მხოლოდ ის, რომ სოფელში ვაჰაბისტების რაოდენობა საგრძნობლად იმატებს“, - ერთ-ერთი ქართული ტელეკომპანიის ეთერში გასული ეს ფრაზა ფონიჭალაში მცხოვრებ 23 წლის ფიქრეთ აჰმედოვს სიცოცხლის ფასი დაუჯდა: გასული წლის 27 დეკემბერს ის სასიკვდილოდ დაჭრეს. ფიქრეთ აჰმედოვის მკვლელობაში ეჭვმიტანილი მისი მეგობარი, რამინ ისაევია.

მედიატური - რელიგიური უმცირესობების კულტურული მემკვიდრეობის ძეგლები

14 თებერვალი, 2016

9 თებერვალს ადამიანის უფლებათა ცენტრმა მოაწყო მედიატური ახალციხისა და ადიგენის მუნიციპალიტეტების სოფლებში. პრესის, რადიოს, ტელევიზიებისა და ინტერნეტ-გამოცემების ჟურნალისტები ადგილზე გაეცნენ რელიგიურ უმცირესობათა კულტურული მემკვიდრეობის ძეგლების მდგომარეობას. მედიატურში მონაწილეობა რეგიონული მედიის წარმომადგენლებმაც მიიღეს.

დაკეტილი სინაგოგები და ებრაელთა მიგრაცია

12 თებერვალი, 2016

დაკეტილი კარი საქართველოში არსებული სინაგოგების ერთგვარ სიმბოლოდაც შეიძლება მივიჩნიოთ. საქართველოს ებრაელთა კავშირის თავმჯდომარის, მერაბ ჩანჩალაშვილის თქმით, ძირითადი პრობლება, რაც სინაგოგების ფუნქციონირებას ხელს უშლის, საქართველოდან ებრაელთა დიდი მიგრაციაა. აღნიშნულ საკითხზე საქართველოში დარჩენილი ებრაელებიც საუბრობენ.

გორის საკრებულოში უმრავლესობის შემდეგ საკრებულოს მართვის სადვეები ოპოზიციის ხელში აღმოჩნდა

12 თებერვალი, 2016

5 თებერვლის ქ. გორის საკრებულოს სხდომაზე რიგით პირველი საკითხი საკრებულოს თავმჯდომარის პაპუნა კობერიძის იმპიმენტის საკითხი დადგა.კობერიძემ საკრებულოს კომისიის თავმჯდომარეებს, რომელთა იმპიჩმენტის საკითხის უნდა დამდგარიყო, მიმართა, რომ ფარულ კენჭისყრაში მონაწილეობა არ მიეღოთ. კობერიძის მოწოდება ადრესატებმა გაითვალისწინეს და იმპიჩმენტის პროცედურებს ბოიკოტი გამოუცხადეს. საკრებულოს 15 წევრიდან იმპიჩმენტს 8 დეპუტატმა დაუჭირა მხარი, შვიდი მათგანი ოპოზიციური პარტიების ,,თავისუფალი დემოკრატების“ ,, ქართული პარტიის“ და ,,ერთიანი ნაციონალური მოძრაობის“ წევრები იყვნენ. მე-8 გადამწყვეტი ხმა ,,ქართული ოცნება- დემოკრატიული საქართველოდან“ წამოსული იოსებ ფალელაშვილი იყო.

პანკისელი ასლან წუწაშვილი პოლიციას ცემასა და ეთნიკური ნიშნით შეურაცხყოფაში ადანაშაულებს

12 თებერვალი, 2016

პანკისში მცხოვრები 24 წლის ასლან წუწაშვილი სამართალდამცავებს ცემასა და ეთნიკური ნიშნით შეურაცხყოფაში ადანაშაულებს. წუწაშვილის თქმით, 23 იანვარს ის და მისი მამა გოჩა გორგიშვილი პანკისის ხეობიდან ახმეტის მიმართულებით საკუთარი ავტომანქანით მგზავრობდნენ. წუწუაშვილისვე თქმით, რუსთაველის ქუჩაზე მოძრაობისას მათ საპირისპირო მიმართულებით პოლიციის მანქანა შემოხვდათ. პოლიციელები ავტომობილიდან გადმოვიდნენ და შელაპარაკების შემდეგ მამა-შვილი დააკავეს.

0160 თბილისი , ა. გახოკიძის ქ. 11ა, (ყოფილი გაგარინის 2 ჩიხი) III სართული

(+995 32) 237 69 50, (+995 32) 238 46 48

hrc@hrc.ge

Copyright © 2003 - 2024 HRC