პორტალი ადამიანის უფლებების შესახებ

რელიგიური დოგმებისა და ადამიანის ფუნდამენტურ უფლებათა ურთიერთკავშირი; რელიგიის, როგორც ინსტიტუციონალური სისტემის როლი ხელისუფლებების ლეგიტიმაციის საკითხში; საქართველოში სეკულარიზაციასთან დაკავშირებული პრობლემები -  ამ საკითხებზე საჯარო დისკუსიას 15 მარტს ორგანიზაცია „იდენტობის“ ოფისმა უმასპინძლა.

თურქეთში არსებული ქართული კულტურული ძეგლების რესტავრაციასთან დაკავშირებით, თურქეთისა და საქართველოს კულტურის სამინისტროებს შორის მოლაპარაკებები გადამწყვეტ ფაზაში შევიდა. როგორც საქართველოს კულტურის სამინისტროს წარმომადგენლები აცხადებენ, ამჟამად მხარეები ხელშეკრულების საბოლოო ვარიანტზე მუშაობენ და მას ხელს უახლოეს მომავალში მოაწერენ. 

საქართველოს ხელისუფლება ცდილობს დაიბრუნოს იერუსალიმში მდებარე ჯვრის მონასტერი, რომელიც ამჟამად იერუსალიმის საპატრიარქოს დაქვემდებარებაშია. საგარეო საქმეთა სამინისტროს განცხადებით, გარდა იმისა, რომ მონასტრის დაბრუნებაზე სპეციალური ჯგუფი მუშაობს, საკითხის ისრაელელ კოლეგასთან დაყენებას აპირებს საქართველოს პარლამენტის თავმჯდომარეც.

საქართველოს სახალხო დამცველი, გიორგი ტუღუში 29 თებერვალს სასტუმრო „თბილისი მერიოტში“ ადამიანის უფლებათა ცენტრის ახალი საიტის -http://www.religiebi.info/-ს პრეზენტაციას დაესწრო. მან ასევე მონაწილეობა მიიღო დისკუსიაში, რომელიც რელიგიური ორგანიზაციების რეგისტრაციის შესახებ საქართველოს სამოქალაქო კოდექსში შეტანილი ახალ ცვლილებებს ეხებოდა.

29 თებერვალს სასტუმრო „თბილისი მერიოტში“ ადამიანის უფლებათა ცენტრმა და „ოსლოს კოალიციამ რწმენისა და აღმსარებლობის თავისუფლების შესახებ“ ახალი ვებგვერდის - religiebi.info-ს პრეზენტაცია გამართეს. შეხვედრის მეორე ნაწილი დაეთმო სემინარს „საქართველოს სამოქალაქო კოდექსში შეტანილი ახალი ცვლილებები რელიგიური ორგანიზაციების რეგისტრაციის შესახებ: მოლოდინები და შედეგები“.