17:04, Tuesday, 19.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ახალგაზრდა იურისტებმა საკუთრების უფლების შელახვის საკითხზე მრგვალი მაგიდა გამართეს

12.12.2007
დღეს თბილისში, სასტუმრო "ქორთიარდ მერიოტში" საქართველოს ახალგაზრდა იურისტთა ასოციაციამ ადამიანის უფლებათა კვირეულის ფარგლებში გამართა მრგვალი მაგიდა თემაზე "საკუთრების უფლება საქართველოში".

ორგანიზაციის წარმომადგენლებმა მასმედიასა და სტუმრებს გააცნეს სპეციალურად მომზადებული ანგარიში. მასში განხილულია საკუთრების უფლების ხელყოფის კონკრეტული მაგალითები, რომელზეც ახალგაზრდა იურისტთა ასოციაციის ადვოკატები მუშაობენ, ასევე საკუთრების უფლებასთან დაკავშირებით სახელმწიფოს მიერ ნაკისრი საერთაშორისო ვალდებულებები და დღეს მოქმედი კანონმდებლობა.

როგორც ასოციაციის თავმჯდომარემ გიორგი ჩხეიძემ განაცხადა, ქვეყანაში კერძო საკუთრებაზე უფლების შელახვა ერთ-ერთი სერიოზული პრობლემაა. ამის მაგალითად თუნდაც 2006 წლის ბოლოს და 2007 წლის დასაწყისში თბილისის ცენტრალურ უბნებში განხორციელებული რამდენიმე ცნობილი შენობის დემონტაჟი გამოდგება. ესენია თაბუკაშვილის ქ. #50-52-ში მდებარე საცხოვრებელი კორპუსი, ვაჟა-ფშაველას გამზირზე, მეტროსადგურ "გოცირიძესთან" მდებარე კომერციული ობიექტი და შპს "მიას" საკუთრებაში არსებული მაღაზიები დადიანის ქუჩაზე, გადასასვლელ ხიდთან.

ასოციაციის წარმომადგენელთა თქმით, ყველა ეს ობიექტი რეესტრში დღემდე საკუთრების უფლებით არის რეგისტრირებული. ასოციაციის დასკვნით მათი დემონტაჟი მიმდინარეობდა სამართლებრივი საფუძვლების გარეშე, ქალაქის ზედამხედველობის სამსახური არ შეისწავლიდა საკითხს და არ ისმენდა მესაკუთრეთა მოსაზრებებს.

გიორგი ჩხეიძის თქმით, ასოციაციის მიერ ზედამხედველობის სამსახურიდან გამოთხოვილი შესაბამისი საქმის მასალები არ შეიცავდა ინფორმაციას ქალაქის ცენტრალურ უბნებში ჩატარებულ დემონტაჟებზე. ამ მასალებში წარმოდგენილი იყო დადგენილებები მხოლოდ თბილისის გარეუბნებში მოქალაქეების მიერ უკანონოდ მიშენებული აივნების დემონტაჟზე. აქედან გამომდინარე ასოციაცია ასკვნის, რომ ზედამხედველობის სამსახურის მიერ დედაქალაქის ცენტრში განხორციელებულ ქმედებებს არ ჰქონდა სამართლებრივი საფუძველი.

გიორგი ჩხეიძის განცხადებითვე, დასახვეწია კერძო საკუთრების დაცვასთან დაკავშირებული კანონმდებლობა. მისი ერთ-ერთი მთავარი ნაკლია ის, რომ თუკი მოქალაქემ გაასაჩივრა პირველი ინსტანციის სასამართლო გადაწყვეტილება შენობის დემონტაჟის შესახებ, გასაჩივრება სასამართლო გადაწყვეტილების აღსრულებას მაინც ვერ შეაჩერებს.

წყარო: მედიანიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC