ხვალ თბილისში, სასტუმრო "ქორთიარდ მარიოტში" გაიხსნება კონფერენცია თემაზე: "ბავშვთა და მოზარდა შორის ძალადობა - პრობლემის გადაწყვეტის გზების ძიება".
ღონისძიების ორგანიზატორები არიან საქართველოს პარლამენტი და ფონდი "გლობალური ინიციატივა ფსიქიატრიაში".
კონფერენციას გახსნის პარლამენტის თავმჯდომარე ნინო ბურჯანაძე. მასში მონაწილეობას მიიღებენ ადგილობრივი და საერთაშორისო სამთავრობო და არასამთავრობო ორგანიზაციების წარმომადგენლები. ბავშვებსა და მოზარდებში ძალადობის პრობლემაზე მოხსენებებს წაიკითხავენ გაეროს ბავშვის უფლებების კომიტეტის ექსპერტები, საქართველოს შრომის, ჯანმრთელობისა და სოციალური დაცვის სამინისტროს წარმომადგენლები და ამ სფეროში მომუშავე სხვა ორგანიზაციების წევრები.
კონფერენცია 28 თებერვალს დაიხურება.
წყარო: მედიანიუსი