23 წლის ნოდარ გენგიურს უკვე მეხუთე დღეა ეძებენ. ის ორფოლოს საწვრთნელი ბაზის კონტრაქტორი იყო.
გენგიური ბოლოს პარასკევს ახალციხის რაიონის სოფელ წნისში მეგობრებთან, ასევე კონტრაქტორ შოთა ლომიძესა და ზვიად დევაძესთან ერთად ნახეს. სოფელში ამბობენ, რომ გენგიური დევაძეს სტუმრობდა. ბოლოს ხალხმა ის ხიდისკენ მიმავალი იხილა.
ახალციხის სამხედრო პოლიცია მომხდართან დაკავშირებით კომენტარს არ აკეთებს, თუმცა გამოძიება დაწყებულია და სოფლის მოსახლეობა უკვე დაკითხეს კიდეც. დაკავებულები არიან შოთა ლომიძე და ზვიად დევაძე. მომხდართან დაკავშირებით აღიძრა სისხლის სამართლის საქმე 115-ე მუხლით, რომელიც პირის თვითმკვლელობამდე მიყვანას ითვალისწინებს.
დღეს, იმ ადგილას, სადაც გენგიურის კვალი იკარგება გორის რაიონის სოფელ ქვეშითის მოსახლეობა შეიკრიბა. გენგიური ამ სოფლის მკვიდრია. ქვეშითელები ამბობენ, რომ მათ პოლიციის იმედი აღარა აქვთ და დაკარგული საკუთარი ძალებით უნდა მოძებნონ.
გულო კოხოძე, ახალციხე
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
