02:56, Tuesday, 15.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადვოკატი სასამართლოს პატიმრობიდან მძიმე ავადმყოფის გათავისუფლებას სთხოვს

10.04.2008
არასამთავრობო ორგანიზაცია "კონსტიტუციის 42-ე მუხლი" სასჯელაღსრულების დეპარტამენტსა და სასამართლოს პატიმარ შალვა დოლიძის გათავისუფლებას სთხოვს.

როგორც შალვა დოლიძის ადვოკატი, "კონსტიტუციის 42-ე მუხლი" თავმჯდომარე მანანა კომახიძე განმარტავს, შალვა დოლიძე მძიმე მდგომარეობაშია და სასწრაფოდ ესაჭიროება გულის ოპერაციის საზღვარგარეთ გაკეთება. მას 10 წლის წინათ გულზე შუნტირება გერმანიის შუხტერმანის კლინიკაში ჩაუტარდა და ხელახალი ოპერირება მხოლოდ იმავე კლინიკაშია შესაძლებელი. ოპერაციას საქართველოში 14 ათასი, ხოლო გერმანიაში უფრო მეტი სჭირდება.

"შალვა დოლიძე არის მძიმე ავადმყოფი, რაც დასტურდება საექსპერტო დასკვნით. ჯერ კიდევ ერთი თვის წინ ჩვენ მოვითხოვეთ სისხლის სამართლის კოდექსის 607-ე მუხლის საფუძველზე მის მიმართ სასჯელის მოხდის გადავადება, რაც მიმდინარე წლის 28 თებერვალს მოსამართლე რევაზ ნადოიმ არ დააკამაყოფილა,  მიუხედავად იმისა, რომ არსებობდა ყველა კანონიერი საფუძველი. მოსამართლის ეს დადგენილება გასაჩივრებულ იქნა კერძო სააპელაციო საჩივრით, მაგრამ დღემდე საქმე გადაგზავნილი არ არის სააპელაციო სასამართლოს კანცელარიაში", - განაცხადა მანანა კომახიძემ.

როგორც ცნობილი გახდა, შალვა დოლიძის საქმე, ევროკონვენციის მე-3 და მე-5 მუხლების დარღვევის გამო, 2005 წელს გაიგზავნა ადამიანის უფლებათა ევროპულ სასამართლოში. საქმე ეხება მის მიმართ არაადამიანურ მოპყრობასა და უკანონო პატიმრობას.

შალვა დოლიძე მის შვილთან ვლადიმერ დოლიძესთან ერთად, კურორტ ბახმაროში დოღის შემდეგ ცეცხლსასროლი იარაღის ჰაერში სროლის გამო, 2005 წლის 22 აგვისტოს დააპატიმრეს. Mმას ბრალად ხულიგნობა წაუყენეს. მას მიესაჯა 5 წელი და 6 თვე. მიმდინარე წელს ვლადიმერ დოლიძე პრეზიდენტის შეწყალების საფუძველზე გაათავისუფლეს, ხოლო შალვა დოლიძეს უარი ეთქვა შეწყალებაზე. "თუ უახლოეს საათებში არ მოხდება ამ საქმის განხილვა, მოგვიწევს ევროპის სასამართლოს ჩარევა", - აღნიშნა მანანა კომახიძემ.

წყარო: მედიანიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC