წუხელ გვიან ღამით, ყვარლის რაიონის სოფელ ახალსოფელში რესპუბლიკური პარტიიდან ყვარლის მუნიციპალიტეტის მაჟორიტარი დეპუტატობის კანდიდატის ვანო ლომიძის საარჩევნო შტაბი დაარბიეს.
როგორც "ადამიანის უფლებათა ცენტრს" საარჩევნო შტაბის წარმომადგენლებმა აცნობეს, დამტვრეულია დროშები, დახეულია ბანერი, დაზიანებული და განადგურებულია ოფისში არსებული სხვა ნივთები.
რესპუბლიკური პარტიის ყვარლის ორგანიზაციის წევრები მომხდარს, 10 მაისს, ყვარელში "ერთიანი ნაციონალური მოძრაობის" პარტიული სიის პირველი ნომრების ვიზიტს უკავშირებენ. "ჩვენმა მხარდამჭერებმა ნაციონალური მოძრაობის ლიდერებს კრიტიკული შეკითხვები დაუსვეს, რაზედაც ისინი გაღიზიანდნენ. მათი წასვლის შემდეგ ადგილობრივებმა, ნაცმოძრაობის მაჟორიტარი დეპუტატობის კანდიდატის მითითებით, ანგარიში გაგვისწორეს", - განაცხადა მზია ხუტუაშვილმა.
ოფისის დარბევის ფაქტზე ყვარლის პოლიციაში ამ დრომდე არ არის აღძრული სისხლის სამართლის საქმე.
ცნობისათვის, ყვარელში, მმართველი პარტიის მაჟორიტარი დეპუტატობის კანდიდატი ზაზა გელაშვილი, შს სამინისტროს უშიშროების კახეთის სამმართველოს ყოფილი უფროსია.
გელა მთივლიშვილი კახეთიდან
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
