გორის საკრებულოს თავმჯდომარემ ზვიად ხმალაძემ "ადამიანის უფლებათა ცენტრის" გორის ოფისის კოორდინატორს საბა წიწიკაშვილის სიტყვიერი შეურაცხყოფა რწმუნებულის პრესსამსახურის კაბინეტში მიაყენა. საკრებულოს თავმჯდომარის ზვიად ხმალაძის გაღიზიანების მიზეზი ბოლო დროს ჟურნალისტის მიერ გამოქვეყნებული სტატიები გახდა.
"გორის საკრებულო ტყემალზე ზის"... "საკრებულომ ახალი გალავანი შემოირტყა", "ფასადების აფერისტები", "ხმალაძე გუბერნატორობას უმიზნებს" და ა.შ. - ეს არის იმ სტატიების მოკლე ჩამონათვალი, რაც ჟურნალისტის მიერ ადგილობრივ გაზეთ "ქართლის ხმაში" დაიბეჭდა.
ზვიად ხმალაძემ ასეთი სტატიების ავტორს უნამუსო უწოდა. ჟურნალისტი პრევენციული ზომების მისაღებად დახმარებისთვის სახალხო დამცველს მიმართავს. სხვათა შორის, ზვიად ხმალაძის შვილის ნათლია რეგიონული მართვის მინისტრის დავით ტყეშელაშვილია.
„ადამიანის უფლებათა ცენტრი“