გაერთიანებულმა ოპოზიციამ დსთ-ს მისიას წინასაარჩევნო დარღვევები გააცნო

გაერთიანებული ოპოზიციის ეროვნული საბჭოს წევრი ირაკლი იაშვილი დღეს, დსთ-ს სადამკვირვებლო მისიის ხელმძღვანელს ლაურაზ აიდაროვს შეხვდა და გააცნო წინასაარჩევნო დარღვევების შესახებ მასალები, სახელისუფლებო პარტიის მიერ წინასაარჩევნო კამპანიაში ადმინისტრაციული რესურსის გამოყენების ფაქტები, საარჩევნო სიებში არსებული დარღვევები,

გაერთიანებული ოპოზიციის მიერ შემუშავებული რეკომენდაციები იმასთან დაკავშირებით, თუ უცხოელმა დამკვირვებლებმა, არჩევნების დღეს, რაზე უნდა გაამახვილონ ყურადღება.

როგორც შეხვედრის დასრულების შემდეგ ირაკლი იაშვილმა ჟურნალისტებს განუცხადა, გაერთიანებული ოპოზიციის ლიდერები ხვდებიან არჩევნებში მონაწილე ყველა სადამკვირვებლო მისიას და წინასაარჩევნო პერიოდში გამოვლენილი დარღვევების შესახებ ინფორმაციას აწვდიან.

წყარო: მედიანიუსი.