ზუგდიდში თან არჩევნებს ატარებენ, თან პენსიებს არიგებენ

ზუგდიდის #67-ე ოლქის 27-ე საარჩევნო უბანზე (ზუგდიდი, ჯანაშიას 1) დარღვევა დაფიქსირდა. საარჩევნო უბანი არ არის იზოლირებული. ოთახში არის ორი შესასვლელი კარი. აქედან ერთი გამოიყენება ამომრჩეველთათვის, მეორე კარით კი სარგებლობს სახალხო ბანკის ფილიალი, რომელიც არიგებს პენსიებს დევნილთათვის. აღსანიშნავია, რომ არჩევნების დღე დასვენების დღედაა გამოცხადებული. მიუხედავად ამისა, საარჩევნო ოთახის ტერიტორიაზე არსებული სახალხო ბანკი მაინც განაგრძობს პენსიების დარიგებას. ბანკის მომხმარებლები ხშირად სარგებლობენ მეორე კარით, რომელიც ამომრჩეველთათვის უნდა იყოს გამოყენებული. სახალხო ბანკის წარმომადგენლის, გიორგი შერვაშიძის განმარტებით, მათ დაავიწყდათ, რომ დღეს დასვენების დღეა. 
„კონსტიტიუციის 42-ე მუხლის“ და „ადამიანის უფლებათა ცენტრის“ დამკვირვებლებმა დაწერეს საჩივარი უბნის ბათილად ცნობის თაობაზე.