"ახალი მემარჯვენეების" წევრი, სამხედრო აკადემიის ყოფილი რექტორი გიორგი თავდგირიძე დღეს თბილისში, სანაპიროზე, დიღმის ხიდის ქვეშ დაუდგენელმა პირებმა სცემეს.
დაზარალებულის თქმით, უცნობი ავტომანქანები მას, სავარაუდოდ, საცხოვრებელი სახლიდან გამოსლის შემდეგ აედევნენ. თავდგირიძე "მემარჯვენეების" პარტიულ ოფისში მიდიოდა, როცა დიღმის ხიდის ქვეშ მის მანქანას ოთხმა მანქანამ გზა გადაუღობა. იქიდან გადმოვიდა სამი ნიღბიანი და ფიზიკურად გაუსწორდნენ.
როგორც "მედიანიუსს" "მემარჯვენეების" წევრმა მამუკა კაციტაძემ განუცხადა, მის თანაპარტიელს სახისა და ტანის არეში დაჟეჟილობები აქვს მიყენებული. თავდამსხმელებმა რკინის კეტი ურტყეს ფეხებში, რის გამოც ფეხი აქვს მოტეხილი.
მამუკა კაციტაძე ამ ინციდენტს პოლიტიკურ შეფასებას აძლევს და აცხადებს, რომ ხელისუფლება ამგვარი ტერორით ცდილობს ოპოზიციური პარტიების დაშინებას. მისივე თქმით, ბოლო ხანებში, მათი თანაპარტიელების ცემის ფაქტები გახშირდა, მაგრამ შესაბამისი სამართალდამცავი სტრუქტურების მხრიდან არანაირი რეაგირება არ არის.
წყარო: მედიანიუსი.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
