კასპის რაიონის სოფელ ლამისყანაში მოსახლეობას ნათესები უნადგურდება. ამის მიზეზი სოფელში სარწყავი წყალის არარსებობაა. გვალვების შედეგად ნაკვეთებში მოსავალი ხმება.
როგორც ,,ადამიანის უფლებათა ცენტრის" შიდა ქართლის ოფისს კასპიდან აცნობეს, სოფელში სარწყავი არხის საქაჩია დაზიანებული. გარდა ამისა, მოუწესრიგებელია სარწყავი არხები.
კასპის მუნიციპალიტეტში უკვე დათვლილი აქვთ ის თანხა, თუ რა დაჯდება სოფელ ლამისყანაში სარწყავი წლის პრობლემის გადაჭრა. ამისათვის კასპის მუნიციპალიტეტს 100 000 ლარი სჭირდება, რაც წლევანდელ ბიუჯეტში არ არის გათვალისწინებული.
საბა წიწიკაშვილი, კასპი