უკანასკნელი დღეების გადაუღებელმა წვიმებმა ატენის სიონს კიდევ ერთხელ შეუქმნა საფრთხე. როგორც ატენიში მცხოვრებმა მოსახლეობამ განაცხადა, იშლება ტაძრის დაზიანებულ კედლები.
ატენის სიონის რესტავრაცია 2003 წლიდან მიმდინარეობს, თუმცა დღეს ეს სამუშაოები შუა გზაზეა შეჩერებული. ძველი ხარაჩოები ახლაც უმოქმედოდ დგას. მოსახლეობა ითხოვს, ტაძარს ყურადღება დროულად მიექცეს.
ადგილობრივი ხელისუფლების დაპირებით, ატენის სიონის რესტავრაცია მიმდინარე წლიდან განახლდება.
საბა წიწიკაშვილი, გორი