საქართველოს მოქალაქეები, რომლებიც უკრაინაში 29 ივლისს ჩაფრინდნენ, ქვეყნის ტერიტორიაზე არ შეუშვეს. შვიდი დეპორტირებული ქართველი თბილისში წუხელ დააბრუნეს. კიევის აეროპორტში კიდევ ათამდე ქართველია დარჩენილი, რომლებსაც, სავარაუდოდ, საქართველოში ხვალ გამოამგზავრებენ.
როგორც დეპორტირებული ქართველები ამბობენ, ისინი კიევის აეროპორტში ყოველგვრაი ახსნა-განმარტების გარეშე დააკავეს და სამი დღის განმავლობაში ამავე აეროპორტის პოლიციის განყოფილებაში ჰყავდათ გადაყვანილი. აქ მათ რთული საყოფაცხოვრებო პირობები ჰქონდათ, კერძოდ სამი დღის განმავლობაში მათთვის საკვებიც კი არ მიუწოდებიათ. უკრაინაში მოქმედი შესაბამისი სანქციების თანახმად, დეპორტირებულ ქართველებს ამ ქვეყანაში ჩასვლა, სულ ცოტა, 6 თვის განმავლობაში არ შეეძლებათ.
წყარო: მედიანიუსი.