დიდი ლიახვის ხეობის პოლიციის თანამშრომლები - იოსებ ბაბუციძე და სანდრო ჭულუხიძე სოფელ ქურთაში მაცხოვრებელი 16 წლის გოგოს გაუპატიურებაში არიან ბრალდებულები. მიუხედავად იმისა, რომ მათ მიმართ სისხლის სამართლის საქმეა აღძრული, ისინი დაკავებიდან მეორე დღესვე გამოუშვეს.
გოგონას დედა ირმა კ. აცხადებს, რომ დაკავებულების განთავისუფლების მიზეზად ბიოლოგიური ექსპერტიზის პასუხების არ არსებობა დასახელდა. გოგონას მშობლები აცხადებენ, რომ გამოძიება ტენდენციურად მიმდინარეობს. საქმეს შიდა ქართლის სამხარეო სამმართველო იძიებს.
საბა წიწიკაშვილი, გორი