თბილისი.15.08.08.მედიანიუსი. ტელეკომპანია "რუსთავი 2-ის" ინფორმაციით, ზემო აფხაზეთში არსებულ ეკლესია - მონასტრებში სასულიერო პირებს რუსეთის სამხედრო ძალების წარმომადგენლებმა რუსული ეკლესიის დაქვემდებარებაში გადასვლა მოსთხოვეს.
როგორც ტელეკომპანიას ზემო აფხაზეთის სოფელ აჟარის მონასტრიდან მონაზვნებმა აცნობეს, რუსმა სამხედროებმა მათ რუსული ეკლესიის იურისდიქციაში გადასვლა მოსთხოვეს, წინააღმდეგ შემთხვევაში მონასტრები უნდა დატოვონ.
ეს ინფორმაცია "მედიანიუსს" საქართველოს საპატრიარქოშიც დაუდასტურეს. მათი ინფორმაციით, აჟარის მონასტრის მონაზვნების გადმოყვანა ვერ ხერხდება.