თბილისი. 17.08.08. მედიანიუსი. ბორჯომ-ხარაგაულის ეროვნული პარკის ნაწილსა და ბორჯომის სატყეო უბანზე გაჩენილი ხანძრის შედეგად უკვე 200 ჰექტარი ტყის მასივი დაიწვა.
როგორც „მედიანიუსს“ საქართველოს გარემოს დაცვისა და ბუნებრივი რესურსების მინისტრმა ირაკლი ღვალაძემ განუცხადა, ხანძრის კერების ლოკალიზება ისეთი მექანიკური საშუალებებით ხდება, როგორიცაა მაგალითად, თხრილების გაკეთება. ხანძრის სალიკვიდაციო სამუშაოებს სპეციალური ჯგუფები ასრულებენ, რომელშიც გარემოს დაცვის სამინისტროს წარმომადგენლებთან ერთად ადგილობრივი მეხანძრეებიც არიან ჩართულნი. მისივე თქმით, საქართველოს ხანძრის ლოკალიზებაში დახმარებას თურქეთი დაჰპირდა. თუმცა, როდის შემოფრინდება მათი ორი სპეციალური, ცეცხმქრობი თვითმფრინავი საქართველოს ტერიტორიაზე, ჯერჯერობით უცნობია.
როგორც ცნობილია, აღნიშნულ ტერიტორიას ხანძარი რუსული ავიაციის მიერ ცეცხლგამჩენი ჭურვების ჩამოგდების შედეგად გაუჩნდა. ამ ჭურვების გამოყენება საერთაშორისო კონვენციებით აკრძალულია.