გასვლის წინ მთვრალი რუსები მოსახლეობას ღობეებს უნგრევენ

წალენჯიხის რაიონის სოფელ ჯგალის კანტის უბნიდან რუსი ოკუპანტები გადიან.  ბლოკ-საგუშაგოს ნაწილი დაშალეს და ჯავშანტექნიკის ნახევარი დაშლილი ბლოკ-პოსტის მასალებთან ერთად გაიტანეს.

როგორც „მედიანიუსს“ წალენჯიხის რაიონის გამგებელმა გია მებონიამ განუცხადა, რუსები უკანონოდ გახსნილ ბლოკ-პოსტს საბოლოოდ, ალბათ, ხვალ გააუქმებენ. გასვლის წინ გაღიზიანებულმა მთვრალმა რუსმა სამხედროებმა  ჯავშანტექნიკით მოსახლეობას ღობეები გაუნადგურეს და ორ სახლში შევარდნენ.  ააფეთქეს ტრანსფორმატორი, რომლიდანაც სოფელს ელექტროენერგია მიეწოდებოდა.

წყარო: მედიანიუსი.