უკვე მესამე დღეა კახეთში ლაგოდეხის ტელევიზია აღარ მაუწყებლობს. როგორც ადამიანის უფლებათა ცენტრს ცენტრს ტელეკომპანიის დირექტორმა ლალი ხუბულავამ განუცხადა, მაუწყებლობის შეწყვეტა გადამცემის დაზიანებამ გამოიწვია.
"ტექნიკური პრობლემების გამო მაუწყებლობა რამდენიმე დღით შეწყდა. ტექნიკური სამსახურის ცნობით, სავარაუდოდ, დღეს, საღამოს ეთერში დავბრუნდებით", - განაცხადა ხუბულავამ.
ლაგოდეხის ტელეკომპანია მთელი კახეთის მასშტაბით 2008 წლის აპრილიდან მაუწყებლობს. ტელეკომპანიას ყოველდღიური საინფორმაციო გამოშვებები აქვს. გადაცემა რეგიონში განვითარებულ საზოგადოებრივ და პოლიტიკურ მოვლენებს აშუქებს.
გელა მთივლიშვილი, კახეთი