ადამიანის უფლებათა ცენტრი კახეთის საჯარო სამსახურებში გაუფრთხილებელი ნარკოლოგიური შემოწმებების ჩატარებას ითხოვს

ადამიანის უფლებათა ცენტრი კახეთში, საჯარო სამსახურებში გაუფრთხილებელი ნარკოლოგიური შემოწმებების ჩატარებას ითხოვს. როგორც ორგანიზაციისთვის გახდა ცნობილი, ადგილობრივი თვითმმართველობის, მმართველობის და სხვა ორგანოებში ნარკოტიკების ბევრი მომხმარებელი მუშაობს.
საქართველოს კანონი საჯარო სამსახურის შესახებ მე-18 მუხლის მე-4 პუნქტი ადგენს, რომ სამსახურში მიღებისას აუცილებელია პირმა წარადგინოს სამედიცინო – ნარკოლოგიური შემოწმების ცნობა, კანონმდებლობით დადგენილი წესის შესაბამისად.

ოფიციალური მონაცემებით, ნარკოლოგიური ცენტრიდან კახეთის მასშტაბით სულ 570-მდე ცნობაა გაცემული, არადა რეგიონის საჯარო სამსახურებში 1000-ზე მეტი საჯარო მოხელე მაინც მუშაობს.

გელა მთივლიშვილი, კახეთი