07:18, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თელავის პოლიციის თანამშრომლებმა არასრულწლოვან გოგონას თავისუფლება უკანონოდ შეუზღუდეს

11.11.2008
გელა მთივლიშვილი, კახეთი

როგორც „ადამიანის უფლებათა ცენტრს“ თელავის რაიონის სოფელ ყარაჯალიდან აცნობეს, თელავის პოლიციის თანამშრომლებმა იძულების წესით, სახლიდან, ალიოშა ორუჯოვის და მისი ოჯახის წევრების გამოსახლების დროს, სახლის კარებები დალუქეს. შენობაში რამდენიმე საათით იყო დარჩენილი ალიოშა ორუჯოვის ძმისშვილი, 16 წლის ინდირა ორუჯოვა, რომელიც გარეთ გასვლას ვერ ახერხებდა. შენობას პოლიციისა და სპეცრაზმის შეიარაღებული თანამშრომლები აკონტროლებდნენ.

ორუჯოვის მეზობლებმა და ახლობლებმა პოლიციის ქმედების წინააღმდეგ საპროტესტო აქცია გამართეს, რის გამოც სამართალდამცავებმა მოქალაქეებს ფიზიკური შეურაცხყოფა მიაყენეს. ინციდენტის თვითმხილველების თქმით, პოლიციის თანამშრომლებმა მოქალაქეებს კონდახები ურტყეს. იქ მყოფთა ცნობით, რამდენიმე ქალბატონმა სხეულის დაზიანებები მიიღო.

მომხდართან დაკავშირებით, თელავის პოლიციის უფროსი გოჩა ბაღათრიშვილი კომენტარს არ აკეთებს. ადამიანის უფლებათა ცენტრი კახეთის საოლქო პროკურორის მოადგილესთან ვაჟა მაღრაძესთან დაკავშირებას ცდილობდა, მაგრამ ეს უკანასკნელი ტელეფონს არ პასუხობს.

როგორც ცნობილია, ალიოშა ორუჯოვი მეუღლესთან და მცირეწლოვან შვილთან ერთად სოფელ ყარაჯალაში მდებარე შენობიდან კახეთის საარბიტრაჟო სასამართლოს გადაწყვეტილების საფუძველზე გამოასახლეს. საარბიტრაჟო სასამართლოს ორუჯოვის უსაფუძვლო გამდიდრების მოტივით სარჩელით ამავე სოფლის მკვიდრმა და ორუჯოვების ახლობელმა იაშა უსუპოვმა მიმართა. ორუჯოვმა საარბიტრაჟო სასამართლოს გადაწყვეტილების გაუქმების მოთხოვნით თელავის რაიონულ სასამართლოს მიმართა, მაგრამ სასამართლო სარჩელს არ იხილავს. ალიოშა ორუჯოვმა თაღლითობისათვის კახეთის საარბიტრაჟო სასამართლოს თავმჯდომარის გიორგი ყაჭიაშვილის წინააღმდეგ სისხლის სამართლის საქმის აღძვრაც მოითხოვა. კახეთის საოლქო პროკურატურამ გამოძიება დაიწყო, მაგრამ ორუჯოვის ადვოკატის განცხადებით, საგამოძიებო მოქმედებები არ ჩატარებულა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC