კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

ქიბარ ხალვაშის კომპანია ხელისუფლებას ევროსასამართლოში უჩივლებს

20 ნოემბერი, 2008

 „არტი ჯგუფი“ „ინტერნეიშენალ ბოლდინგ კომპანია და შპს „პრიზას“ ადვოკატებმა სტრასბურგის ადამიანის უფლებათა ევროპულ სასამართლოში საქართველოს ხელისუფლების წინააღმდეგ სარჩელს დღეს შეიტანენ.

სარჩელის თანახმად, „არტი ჯგუფი"  მიყენებულ მატერიალურ ზიანს  _ 100 მილიონ დოლარის ანაზღაურებას სასამართლო წესით ითხოვს.

როგორც „არტი ჯგუფის“ ადვოკატი დიმიტრი გაბუნია აცხადებს, საქართველოს მთავრობამ ფინანსთა სამინისტრის ხელშეწყობით, კანონის უხეში დარღვევით, ათეულობით ადმინისტრაციული აქტი გამოსცა და მიზანმიმართულად გაანადგურეს საკმაოდ სოლიდური აქტივების მქონე საწარმოები. გაბუნიას თქმით, ამჟამად, საწარმოები „არტი“, „ინტერნეიშენელ ბილდინგს კომპანი“ და „პრიზა“ აღარ მოქმედებს. დათხოვნილია 4000-მდე ადამიანი, მათ შეუწყვიტეს ხელშეკრულება „პროქტერ ენდ გემბლთან“.

გაბუნიას მტკიცებით, განადგურებულია „არტის“ კუთვნილი ქონება, საწარმოს დარიცხული აქვს ასტრონომიული გადასახადები.

„ბოლო 5 წლის განმავლობაში „არტი ჯგუფმა“ სახელმწიფოს ბიუჯეტში 70 მლ ლარზე მეტი შეიტანა.
კონკრეტული ბიზნესის მიმართ განხორციელდა გრანდიოზული შეტევა, რომელიც დაკავშირებულია ბიზნესმენ ქიბარ ხალვაშის სახელთან“, _ აცხადებს ადვოკატი გაბუნია.

მისი თქმით, უსამართლობის დაკანონებაში მონაწილეობს ხელისუფლების მესამე შტო _სასამართლო.
„სასამართლო ცდილობს არა მარტო დააკანონოს შესაბამისი ორგანოების მიერ მიღებული უკანონო გადაწყვეტილება, არამედ გაუგონარი სისწრაფით, საქმის იურიდიული გამოკვლევების გარეშე, საპროცესო ნორმების უხეში დარღვევით სასამართლო სხდომებს ატარებს“, _ აცხადებს დიმიტრი გაბუნია და დასძენს, რომ ამ მიზანმიმართული კამპანიის მიზანია სწრაფად დამთავრდეს სასამართლო პროცესები და აუქციონის წესით გაყიდული ქონება ხელში ჩაიგდოს მავანმა.

წყარო: მედიანიუსი

ახალი ამბები