დღეს, 9 დეკემბერს, დილით გორის ადმინისტრაციული შენობის წინ გორის მუნიციპალიტეტის გამგებელმა დავით ხმიადაშვილმა აქციის გასაშუქებლად მისულ ,,ადამიანის უფლებათა ცენტრის“ ჟურნალისტ საბა წიწიკაშვილსა და ადგილობრივ გაზეთ ,,ხალხის გაზეთის" კორესპონდენტ თამარ ოქრუაშვილს სიტყვიერი შეურაცხყოფა მიაყენა.
ჟურნალისტები სოფელ კარალეთიდან ჩამოსულ მოსახლეობას ესაუბრებოდნენ, მათი პრობლემების გაშუქების მიზნით. ამ დროს მათთან მუნიციპალიტეტის გამგებელი დავით ხმიადაშვილი მივიდა და ჟურნალისტებს პროვოკატორები უწოდა.
,,ახლავე დაიშალეთ... რას ატყუებთ ამ ხალხს? თქვე პროვოკატორებო" - იყვირა ხმიადაშვილმა.
ჟურნალისტმა თამარ ოქრუაშვილმა გამგებელს საკუთარი უფლებები შეახსენა და კორექტულობისკენ მოუწოდა. გამგებელმა მაინც არ შეწყვიტა კამათი. საბა წიწიკაშვილმა აუხსნა, რომ ისინი ჟურნალისტები იყვნენ - ,,ვიცი... ვინცა ხართ!" - იყო გამგებელის პასუხი.
ამ დროს ჟურნალისტი თამარ ოქრუაშვილი შეეცადა პროცესი ტელეფონით დაეფიქსირებინა. ჟურნალისტს გამგებელმა ხელი აუკრა და ტელეფონი ძირს დაუხეთქა. აღნიშნული ინციდენტი გორის ცენტრალურ მოედანზე ადმინისტრაციული შენობის წინ მოხდა.
,,ადამიანის უფლებათა ცენტრი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
