22:10, Friday, 15.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მომხმარებლისგან თანხის გამოძალვას "კახეთის ენერგოდისტრიბუციის" ახალი მფლობელი კომპანია "ახემა ჯგუფიც" აგრძელებს

03.02.2009
მომხმარებელს ინდივიდუალურად მოხმარებული ელექტროენერგიის გადასახადზე დამატებით დარიცხული თანხების გადახდას ს/ს "კახეთის ენერგოდისტრიბუციის" ახალი მფლობელი- ლიტვური კომპანია "ახემა ჯგუფიც" აიძულებს.

როგორც კახეთის სხვადასხვა რაიონებიდან აბონენტებმა ,,ადამიანის უფლებათა ცენტრს“ აცნობეს, "კახეთის ენერგოდისრიბუციის" პრივატიზების შემდეგ მათ აღარავინ აწვდის ინფორმაციას, ერთი თვის განმავლობაში რა ოდენობის ელექტროენერგია მოიხმარეს, რამდენი იყო ძველი დავალიანება და რა თანხა ერიცხება დამატებით თითოეულ მათგანს კომუნალური მრიცხველის ჩვენებით. აბონენტთა განცხადებით, ინდივიდუალური მრიცხველის ჩვენებით თუ ერთი თვის განმავლობაში 20 ლარის ელექტროენერგია მოიხმარეს, ახდევინებენ 30, 40 და 50 ლარსაც კი.ამათივე თქმით, ამ თანხების გადაუხდელობის შემთხვევაში ენერგოკომპანია მომხმარებელს ელექტროენერგიის მიწოდებას უწყვეტს და მიწოდების განახლებაზე დამატებით თანხებს ითხოვენ. ამ ხრივ განსაკუთრებით პრობლემები სიღნაღის, დედოფლისწყაროს და გურჯაანის რაიონებშია.

აბონენტებმა დახმარებისათვის არაერთხელ მიმართეს ენერგოომბუდსმენს მალხაზ ძიძიკაშვილს, მაგრამ ამ დრომდე უშედეგოდ.

კომპანია "ახემა ჯგუფის" განმარტებით, თელავის გარდა მოხმარებული ელექტროენერგიის გადახდის ქვითარი, ჯერ – ჯერობით არცერთ რაიონში არ რიგდება. შესაბამისად, ამ რაიონებსა და სოფლებში აბონენტები ელექტროენერგიის გადასახადს იხდიან "სახალხო ბანკის" მოლარესთან. "სახალხო ბანკი" გასცემს მხოლოდ გადახდის დამადასტურებელ დოკუმენტს, სადაც არ არის მითითებული მოხმარებული ელექტროენერგიის რაოდენობა კილოვატებში, მაგრამ არსებობს სპეციალური რეესტრი, სადაც დეტალურდაა აღირცხული მონაცემები. გადახდის შემდეგ აბონენტს მოლარისგან ეძლევა ქვითარი, რომლის ფორმაც და ნომერიც გაცემულია ფინანსთა სამინისტროს შესაბამისი სამსახურის მიერ. თუ ვინმეს აინტერესებს დეტალური ინფორმაცია, შეუძლია წერილობით მოგვმართოს და მიიღოს."რაც შეეხება ელექტროენერგიის გათიშვის შემდეგ აღდგენისთვის აბონენტებისთვის ჯარიმის სახით რაიმე თანხის მოთხოვნას, ასეთი მოთხოვნა არასოდეს გვქონია" - აღნიშნეს "ახემა ჯგუფის" საზოგადოებასთან ურთიერთობის სამსახურში.


გელა მთივლიშვილი, კახეთი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC