კახეთის პოლიკლინიკებში მომუშავე ექიმები, რომელთაც უკვე მესამე თვეა კუთვნილი ხელფასები არ მიუღიათ, საპროტესტო აქციების გამართვას გეგმავენ.
ექიმების განცხადებით, ამ დროისთვის აქციის საორგანიზაციო საკითხებზე მუშაობენ და იმ შემთხვევაში, თუ უახლოეს დღეებში 2009 წლის იანვრის თვის ხელფასებს მაინც ვერ მიიღებენ, პროტესტის ნიშნად ქუჩაში გამოვლენ.
ჯერ კიდევ მარტის პირველ რიცხვებში გავრცელდა ინფორმაცია, რომ პოლიკლინიკებში დასაქმებული ექიმები და სხვა პერსონალი უხელფასოდ იყო დარჩენილი. მაშინ ცენტრთან საუბარში ჯანმრთელობის სააგენტოს კახეთის ფილიალის დირექტორმა ზურა გაურაშვილმა განაცხადა, რომ სახელფასო თანხის ჩარიცხვას ჯანმრთელობის დაცვის სამინისტრო აგვიანებს. სამინისტროში კი ამ საკითხზე არაერთი მცდელობის მიუხედავად კომენტარს ამ დრომდე არ აკეთებენ.
გელა მთივლიშვილი,კახეთი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
