პარტია „დემოკრატიული მოძრაობა _ ერთიანი საქართველოს“ წევრებს თბილისის საქალაქო სასამართლომ აღმკვეთი ღონისძიების სახით წინასწარი ორთვიანი პატიმრობა შეუფარდა.
სასამართლომ ბურჯანაძის ექვსი თანაპარტიელისთვის: როინ ბუღაშვილის, ვახტანგ ნარსიას, მამუკა შენგელიას, გიორგი ცერცვაძის, ზურაბ ავალიანისა და დავით გოგრაჭაძისათვის აღმკვეთი ღონისძიების შეფარდების საკითხი განიხილა. მათი ადვოკატები გირაოს სახით 10 000 ლარის შეფარდებას ითხოვდნენ, თუმცა მოსამართლემ ეს შუამდგომლობა არ დააკმაყოფილა. აღნიშნული პირები, გიორგი ცერცვაძის გარდა, დანაშაულს აღიარებენ. მათი თქმით, იარაღი შინაგან საქმეთა სამინისტროს ოპერატიული მუშაკის, დიმიტრი ქინქლაძისაგან ნამდვილად შეისყიდეს. გიორგი ცერცვაძე კი აცხადებს, რომ იგი დიმიტრი ქინქლაძესთან ბადრი ბიწაძის მძღოლმა მამუკა შენგელიამ დააკავშირა.
ბურჯანაძის მხარდამჭერებს ბრალი იარაღის შეძენა-შენახვაში, მამუკა შენგელიას კი ნარკოტიკული ნივთიერებების შეძენაში ედება.
შეგახსენებთ, რომ „დემოკრატიული მოძრაობა _ ერთიანი საქართველოს“ 9 წევრი სამართალდამცავებმა თბილისსა და ბათუმში 23 მარტს დააკავეს.
წყარო : მედიანიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
