ადვოკატმა მარინე კაკაურიძემ ნინო ბურჯანაძის პარტიის „დემოკრატიული მოძრაობა - ერთიანი საქართველოს“ მხარდამჭერის დააკავების შესახებ ინფორმაცია გაავრცელა.
როგორც „ინტერპრესნიუსს“ ადვოკატმა მარინე კაკაურიძემ განუცხადა, გიორგი კობახიძე ნარკოტიკების მოხმარებისა და ცივი იარაღის ტარების ბრალდებით დააკავეს.
„ეს დაკავება პოლიტიკურია. კობახიძე ნინო ბურჯანაძის პარტიის მხარდამჭერი იყო და აქციებშიც მონაწილებდა. იმყოფებოდა „მოდულის“ შენობის წინ ბურჯანაძის მხარდამჭერების მიერ გამართულ აქციაშიც. მას ცივი იარაღი არ ჰქონია და არც ნარკოტიკების ზემოქმედების ქვეშ ყოფილა“,-განაცხადა კაკაურიძემ და აღნიშნა, რომ დაკავებულს ბრალს დღეს წაუყენებენ.
მისივე ინფორმაციით, გიორგი კობახიძე 30 მარტს თბილისში დააკავეს. ამ ფაქტთან დაკავშირებით ნინო ბურჯანაძის პარტიაში ჯერ კომენტარი არ გაუკეთებიათ.