როგორც დღეს გამართულ პრესკონფერენციაზე საზოგადოებრივი დამცველის წარმომადგენელმა გელა ნიკოლაიშვილმა განაცხადა, სამოქალაქო ფორმებში ჩაცმული ძალოვანი უწყებების თანამშრომლების მიერ მომიტინგეთა ჯგუფებზე თავდასხმები ხდება.
მისი თქმით, აქციების პირველ დღეს, 9 აპრილს ძალოვანი სტრუქტურები მაქსიმალურად ცდილობდნენ, არ გამოჩენილიყვნენ მასობრივი თავშეყრის ადგილებში. ხელისუფლებამ გადაწყვიტა, მომლოდინე პოზიცია დაეკავებნა და დალოდებოდა, პროტესტი შენელდებოდა თუ აღმავალ ხასიათს მიიღებდა.
“10 აპრილს კი, როცა ყველამ დაინახა, რომ საპროტესტო ტალღამ აღმავალი ხასიათით დაიწყო მსვლელობა, ძალოვანი უწყებების სამოქალაქო ფორმაში ჩაცმულმა თანამშრომლებმა დაიწყეს მომიტინგეთა ჯგუფებზე ფიზიკური ძალადობა”,-აღნიშნა მან.
ნიკოლაიშვილის ინფორმაციით, პოლიციის ოფიციალური ფორმიანი თანამშრომლები ამას გულგრილად უყურებდნენ და მხოლოდ აფიქსირებდნენ, მიუხედავად იმისა, რომ იმ ინციდენტის მონაწილენი პირდაპირ მიუთითებდნენ მოძალადეთა მანქანებზე.
“ხელისუფლება ამ ტაქტიკას მომავალშიც მიმართავს. საპროტესტო ტალღის გაზრდასთან ერთად, გაიზრდება მათი მხრიდან ძალადობის მასშტაბებიც. ჩვენ მოვუწოდებთ ძალოვანი სტრუქტურის წარმომადგენლებს, არ შეასრულონ უკანონო ბრძანებები”, _ აცხადებს ნიკოლაიშვილი.
ამასთან, “საზოგადოებრივი დამცველი” მოუწოდებს მერიის წარმომადგენლებს, შეასრულონ თავიანთი პირდაპირი მოვალეობა და განახორციელონ ქალაქის ცენტრის დასუფთავება.
“საზოგადოებრივ დამცველში” არასამთავრობო ორგანიზაციები არიან გაერთიანებული.
წყარო „ინტერპრესნიუსი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
