კონსერვატიული პარტიის" წევრის ბეჟან გუნავას ინფორმაციით, შსს-ს თანამშრომლებმა 11 სამხედრო ოფიცერი დააკავეს, რომლებიც არასაპარლამენტო ოპოზიციის აქციებზე მიდიოდნენ. "11 სამხედრო ოფიცერი, რომლებიც აქციაზე მოდიოდნენ, შსს-ს თანამშრომლებმა დააკავეს. მათთვის თავისუფლების 30 დღიანი აღკვეთა უნდა მიესაჯათ, თუმცა ამ დროისთვის ოფიცრების ბედი გაურკვეველია", - განაცხადა პარლამენტის წინ მიმდინარე აქციაზე სიტყვით გამოსვლისას გუნავამ. გუნავა დილით თავისუფლების მოედანზე მომხდარ ინციდენტსაც გამოეხმაურა და განაცხადა, რომ მასში "ნაციონალური მოძრაობის" წევრები მონაწილეობდნენ. "ცნობილია ორი მათგანის ვინაობა: მაჩაბლის ქუჩაზე მცხოვრები ნათია ბასილაია და მარინე სულაძე", - განაცხადა გუნავამ. შეგახსენებთ, რომ დღეს დილით თავისუფლების მოედანზე მდგარი იმიტირებული საკნები მოსახლეობამ გზების გასათავისუფლებლად ტროტუარებზე გადაიტანა, თუმცა მოგვიანებით "ეროვნული ფორუმის" წევრებმა გზები კვლავ "საკნებით" ჩაკეტეს, რა დროსაც მოსახლეობასა და "ფორუმელებს" შორის მცირედი დაპირისპირება მოხდა.
წყარო „პირველი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
