15:08, Saturday, 05.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

“ალიანსი საქართველოსთვის" მხარდამჭერთა მიმართ ზეწოლის ფაქტებს ავრცელებს

24.04.2009
“ალიანსი საქართველოსთვის“ წევრის სოფო ხორგუანის ინფორმაციით, ბოლო დღეებში “ალიანსის" წარმომადგენლებზე სამეგრელოში ზეწოლა განხორციელდა, რაც თბილისში ოპოზიციის მხარდამჭერთა ჩამოყვანისთვის ხელის შეშლას უკავშირდება.

“22-23 აპრილს ხობში “ალიანსის" მიერ მობილიზებული ავტომობილების საბურავები დაჭრეს და ბენზინის ავზებში შაქარი ჩაყარეს. 23 აპრილს ხობსა და აბაშაში ჩვენს აქტივისტებს დაემუქრნენ და სიტყვიერი შეურაცხყოფა მიაყენეს. მუქარის ზარები განხორციელდა შემდეგი სატელეფონო ნომრებიდან: 891 63 35 38; 891 63 35 42; 895 23 66 97.", - განაცხადა ხორგუანმა.

მისივე თქმით, “ალიანსი საქართველოსთვის" წარმომადგენლებმა პოლიციას მიმართეს და სატელეფონო ნომრები გადასცეს.

სოფო ხორგუანის ინფორმაციით, 23 აპრილს ზუგდიდში უცნობმა პირმა “ალიანსი საქართველოსთვის” აქტივისტებს ბიჭი ჯანჯღავასა და ირაკლი ჯოჯუას დაურეკა და ოფისში მისვლა სთხოვა. სახლიდან გამოსულები საპატრულო პოლიციამ გააჩერა და სიმთვრალეზე შეამოწმა, ჯარიმა გამოუწერა და მანქანები ჩამოართვა. ჯანჯღავამ და ჯოჯუამ ექსპერტიზის ჩატარება მოითხოვეს, რაზეც პასუხად მიიღეს, უფროსებისაგან აკრძალული გვაქვსო. საპატრულო პოლიციამ ჯანჯღავასა და ჯოჯუას მანქანები საჯარიმო მოედანზე გადაიტანა.

“ამავე დღეს ზუგდიდში კობა ხუფაცარიას, რომელიც თბილისში წამოსვლას აპირებდა, ავტომობილის სახელმწიფო ნომრები მოპარეს. დღეს კი ჩხოროწყუში _ პოლიციამ სამარშრუტო ტაქსის მძღოლები ბადრი ჯგუბურია და იმედა გიქოშვილი დააკავა და ზუგდიდში გადაიყვანა. ნარკოლოგიური შემოწმებით სიმთვრალე არ დადასტურდა, თუმცა ჯარიმა მაინც გამოუწერეს. საპატრულო პოლიციამ ჯგუბურიასა და გიქოშვილის მანქანები საჯარიმო მოედანზე გადაიტანა" , - აღნიშნა ხორგუანმა.

ამასთან, “ალიანსი საქართველოსთვის" მხარდამჭერთა 100-მდე მანქანა სამეგრელოდან თბილისისკენ მოემართება.

მათ გზად შეუერთდებიან იმერეთის, აჭარისა და გურიის კოლონები. გორში კი   - ქართლის კოლონა. კოლონები თბილისში 18:00 საათისთვის შემოვლენ.

წყარო „ინტერპრესნიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC