პოლიციის მთავარ სამმართველოსთან საპროტესტო აქციის მონაწილეების წინააღმდეგ სპეცრაზმმა რეზინის ტყვიები გამოიყენა.
“ალიანსი საქართველოსთვის” ერთ-ერთი ლიდერის ფიქრია ჩიხრაძის ინფორმაციით, რეზინის ტყვიები მოხვდა ალიანსის თანათავმჯდომარე დავით გამყრელიძეს. ასევე დაშავებული არიან ოპოზიციის სხვა ლიდერებიც.
ჩიხრაძის განცხადებით, ჯერჯერობით უცნობი რჩება გია გაჩეჩილაძის (“უცნობის”) ბედი. იგი, სავარაუდოდ, კვლავაც პოლიციის მთავარ სამმართველოში იმყოფება.
ამ დროისთვის აქციის მონაწილეების მიერ კვლავ გადაკეტილია დიღმის მთავარი ტრასა.
წყარო: ინტერპრესნიუსი