თბილისის მერიასთან ოპოზიციის საპროტესტო აქცია კვერცხების სროლით დასრულდა

თბილისის მერიასთან ოპოზიციის საპროტესტო აქცია და პიკეტირება დასრულდა. გაიხსნა შარტავას ქუჩა, რომელიც დაახლოებით ორი საათის განმავლობაში ოპოზიციის მხარდამჭერების მიერ იყო გადაკეტილი.

აქციის მონაწილეებმა მიტინგის  შემდეგ მერიის შენობაზე გააკეთეს წარწერები  – “დადექით ხალხის სამსახურში”, “გრცხვენოდეთ”, “წადი უგულავა”, “არ შეგრჩება”. 
ოპოზიციის ახალგაზრდული ორგანიზაციების წარმომადგენლებმა კი მერიის შენობას კვერცხები ესროლეს.

დღევანდელი მიტინგის დასასრულს მამუკა კაციტაძემ განაცხადა, რომ მათი წერტილოვანი დარტყმები სხვადასხვა დაწესებულებებზე გაგრძელდება.

ხვალინდელი დღის გეგმებზე კი, ოპოზიციის ლიდერები დღეს, 18.00 საათზე პარლამენტის წინ დაგეგმილ საინფორმაციო მიტინგზე ისაუბრებენ.

წყარო: ინტეპრესნიუსი