ჩხუბი კონცერტამდე

პარლამენტის წინ, 21:00 საათისთვის დაგეგმილი “უცნობის” კონცერტის წინ ინციდენტი მოხდა. კონცერტზე შეკრებილთა შორის, მოულოდნელად “თბილისი მერიოტის” მხრიდან რამდენიმე ათეული, ხის ხელჯოხებით შეიარაღებულ, ნიღბიან ადამიანთა ჯგუფი გამოჩნდა. მათ მწყობრად ჩაიარეს პარლამენტის წინ და როდესაც კინოთეატრ ”რუსთაველს” მიუახლოვდნენ, “უცნობის” კონცერტზე შეკრებილ ადამიანებზე იერიში მიიტანეს. დაიწყეს საკნების დაზიანება. ოპოზიციის მხარდამჭერებს მათ ხის ხელჯოხები და სპეციალურად მომარაგებული ქვები დაუშინეს. დაპირისპირებამ რუსთაველის გამზირიდან ფურცელაძის ქუჩაზე გადაინაცვლა. დაშავდა რამდენიმე ათეული ადამიანი. რუსთაველის გამზირზე მობილიზებულია სასწრაფო დახმარების მანქანები. მათ დაზარალებულები საავადმყოფოებში გადაჰყავთ. “მოიერიშეები” ITV-ს ოპერატორისთვის კამერის და კასეტის წართმევასაც შეეცადნენ.

ITV.ge