ინციდენტი მოხდა წუხელ ზუგდიდში დაცვის პოლიციასა და ოპოზიციის მომხრებს შორის.
როგორც გაერთიანებული ოპოზიციის წარმომადგენელი კახა მიქაია აცხადებს, აქტივისტები ზუგდიდის ბაზრის მიმდებარე ტერიტორიაზე აკრავდნენ პლაკატებს წარწერით -“შეაჩერე!”, რომელზეც გამოსახულია მიხეილ სააკაშვილის კარიკატურა.
მისივე ინფორმაციით, პლაკატების გაკვრაში დაცვის პოლიციის თანამშრომლებმა მათ ხელი შეუშალეს, შემდეგ კი უკვე გაკრული პლაკატები ჩამოხიეს.
ოპოზიციის წარმომადგენლები დაუკავშირდნენ საპტრულო პოლიციას და მომხდართან დაკავშირებით რეაგირება მოსთხოვეს, თუმცა მიქაიას განცხადებით, პოლიციის თანამშრომლები ამ ფაქტს არ გამოხმაურებიან.
წყარო „ინტერპრესნიუსი“