გალის რაიონის სოფელ დიხაზურგადან ე.წ. აფხაზურმა სპეცდანიშნულების რაზმმა წუხელ, გვიან ღამით ხარჩილავების ოჯახიდან სამი მცირეწლოვანი ბავშვი და ორი ქალი გაიტაცა. ამის შესახებ აფხაზეთის მედიაცენტრს გალის რაიონიდან აცნობეს.
ადგილობრივი მოსახლეობის ინფორმაიციით, შეიარაღებულმა პირებმა მცირეწლოვანი ბავშვები და ქალები გაურკვევლი მიმართულებით წაიყვანეს. ამ დროისთვის მათი ადგილსამყოფელი უცნობია.
სეპარატისტები გატაცებულთა ოჯახის უფროსის სოსო ხარჩილავას ე.წ. მილიციისთვის ჩაბარებას ითხოვენ. არსებული ინფორმაციით, სოსო ხარჩილავას სეპარატისტები აფხაზი ბოევიკის მკვლელობაში ადანაშაულებენ.
წყარო: ინტერპრესნიუსი