თერმულ დაზიანებათა და პლასტიკური ქირურგიის სამედიცინო ცენტრის თანამშრომლებს 7 თვეა კუთვნილი ხელფასი არ მიუღიათ, - ამის შესახებ ინფორმაციას მედიცინის მუშაკთა პროფკავშირი ავრცელებს.
პროფკავშირი მოუწოდებს საზოგადოებას, ყურადღება მიაქციონ იმ ფაქტს, რომ ხელფასები 7 თვის განმავლობაში იმ ცენტრის სამედიცინო პერსონალს არ მიუღია, რომლებიც რეანიმაციულ განყოფილებაში პრეზიდენტის უშუალო დავალებით, მძიმე ავადმყოფს, 4 წლის ინა ცარელაშვილს მკურნალობენ.
„კლინიკაში ხელფასებთან დაკავშირებით წარმოქმნილი სირთულეების პირობებში, კარგი იქნება, თუ სამედიცინო პერსონალის ყოველდღიური და დაუღალავი შრომის ასანაზღაურებლად სახსრები გამოინახება“, აცხადებენ პროფკავშირების წარმომადგენლები.
წყარო: ინტერპრესნიუსი