სამართალდამცავებმა ქვემო ქართლში “დემოკრატიული მოძრაობა – ერთიანი საქართველოს” სამი წევრი დააკავეს.
გავრცელებული ინფორმაციით, დაკავებულები არიან რუსთავში კახა ტაბატაძე, გარდაბანის რაიონის სოფელ გამარჯვებაში დაზმირ მიქელაძე, თეთრიწყაროში კი - ბურჯანაძის პარტიის კოორდინატორი ირაგას საკრებულოში ნოდარ ქედელიძე.
როგორც “ინტერპრენიუსთან” საუბარში “დემოკრატიული მოძრაობა – ერთიანი საქართველოსთვის” ქევმო ქართლის კოორდინატორმა ნუკრი შათირიშვილმა განაცხადა, აღნიშნულ სამ პირს ბრალად უყენებენ იარაღისა და ფეთქებადი ნივთიერებების უკანონო შეძენა-შენახვას.
მსგავსი ბრალდებები აქვთ წაყენებული ორი დღის წინ რუსთავში, მარნეულსა და ბოლნისში დაკავებულ დავით ოვაშვილს, დავით შუბითიძესა და შალვა წერეთელს. შუბითიძესა და წერეთელს მარნეულისა და ბოლნისის სასამართლოებმა წინასწარი ორთვიანი პატიმრობა უკვე შეუფარდეს.
“დემოკრატიული მოძრაობა - ერთიანი საქართველოს” ქვემო ქართლის ორგანიზაციაში აცხადებენ, რომ ექვსივე დაკავებული პარტიის აქტიური წევრია და ისინი სწორედ პოლიტიკური ნიშნით არიან დაკავებულები.
წყარო: ინტერპრესნიუსი