პარლამენტის მიმდებარე ტერიტორიაზე პოლიციასა და აქციის მონაწილეებს შორის დაპირისპირება მოხდა.
ინციდენტი მას შემდეგ დაიწყო, რაც პარლამენტის შენობის გვერდითა შესასვლელიდან პარლამენტის თავმჯდომარის დავით ბაქრაძის მანქანა გამოვიდა.
“ინტერპრესნიუსის" კორესპონდენტის ცნობით, აქციის მონაწილეები შეეცადნენ, დავით ბაქრაძის ავტომანქანისთვის “სირცხვილის კორიდორი” გაეკეთებინათ.
მათი მცდელობა პოლიციელებმა აღკვეთეს, რასაც პოლიციასა და მომიტინგეებს შორის შეხლა-შემოხლა მოყვა. დააშავებულია აქციის რამდენიმე მონაწილე.
დავით ბაქრაძის მანქანას მომიტინგეები ფეხით გაეკიდნენ და ზუბალაშვილის ქუჩამდე სდიეს. ამ დროისთვის პარლამენტის შენობის დაცვა გაძლიერებულია.
წყარო: ინტერპრესნიუსი