ევროკავშირის წარმომადგენლობის ოფისთან მოშიმშილე მოძრაობის „დაიცავი საქართველოს“ წევრებს დღეს კიდევ 5 ახალგაზრდა შეუერთდა. დღეს გამართულ პრესკონფერენციაზე მოძრაობის წარმომადგენელმა შოთა აფხაიძემ განაცხადა, რომ შიმშილობა არ შეწყდება მანამ, სანამ 15 ივნისს დაკავებულებთან ექიმებს არ შეუშვებენ. „დღეს შს სამინისტროდან ევროკავშირს დაუკავშირდნენ და დაჰპირდნენ, რომ დაკავებულებთან ექიმებს შეიყვანენ, თუმცა ახალგაზრდები მანამ არ აპირებენ შიმშილობის შეწყვეტას, ვიდრე დაკავებულებს არ უმკურნალებენ“, - განაცხადა აფხაიძემ.
შეგახსენებთ, რომ ევროკავშირის წარმომადგენლობის ოფისთან 7 ახალგაზრდა უკვე მესამე დღეა, შიმშილობს.
წყარო: საინფორმაციო სააგენტო „პირველი“