„ქართული დასის“ ლიდერი, დეპუტატი ჯონდი ბაღათურია მანიფესტაციებისა და შეკრებების წესების შესახებ მომზადებულ კანონპროექტში მათი საერთოდ აკრძალვის საფრთხეს ხედავს. დღეს გამართულ პრესკონფერენციაზე მან განაცხადა, რომ ეს კანონპროექტი „ფსევდოდემოკრატიიდან ავტორიტარიზმისკენ სვლაა,“ რადგან მიტინგები თავის დროზე მხოლოდ კომუნისტებმა და ფაშისტებმა აკრძალეს.
პარლამენტში მომზადებული კანონპროექტთა პაკეტით, წვრილმანი ხულიგნობისა და პოლიციების დაუმორჩილებლობისთვის ადმინისტრაციული პატიმრობის ვადა 30-დან 90 დღემდე იზრდება.
გარდა ამისა, პოლიციას საშუალება ეძლევა, გამოიყენოს არალეტალური იარაღი; შესაბამისი წესების დარღვევისთვის აქციის მონაწილეები ჯარიმდებიან 1000, ხოლო ორგანიზატორები 5 000 ლარით.